Хаартыска sakha.gov.ru ылылынна
СӨ Бырабыыталыстыбатын Бэрэссэдээтэлин солбуйааччы Георгий Степанов иһитиннэрбитинэн, 2024 сыл олунньу 2 күнүнээҕи туругунан, өрөспүүбүлүкэҕэ 225 байыаннай сулууспалаах төрөппүтэ санаторийга, уруорка эмтэммит, сынньаммыт.
Маны сэргэ, 225 байыас дьиэ кэргэнэ байыаннай сулууспалаах эмтэнэр сиригэр тиийэргэ материальнай көмөнү ылбыт, 85 ыалга дьиэтигэр күөх төлөн киллэттэрэригэр материальнай көмө оҥоһуллубут.
—496 байыаннай дьайыы кыттыылааҕа уонна 811 байыаннай сулууспалаах дьиэ кэргэнин чилиэнэ доруобуйа харыстабылын уонна социальнай хааччыйыы тэрилтэлэригэр реабилитацияҕа сылдьыбыттар. Мэдиссиинэ көмөтө 2628 байыаннай сулууспалаахха уонна 2618 байыаннай дьайыы кыттыылааҕын дьонугар оҥоһуллубут, — диэн этэр вице-премьер. 1 684 байыаннай дьайыы кыттыылааҕын дьиэ кэргэнэ олорор дьиэни уонна коммунальнай өҥөнү, элбэх кыбартыыралаах дьиэҕэ хапытаалынай өрөмүөн усунуоһун хойутатыыга уонна төлөөбөккө хаалбытыгар пеня ааҕыллыытыттан босхолонор быраабынан туһаммыт.
Байыаннай сулууспалаахтарга-байыаннай дьайыы кыттыылаахтарыгар уонна кинилэр дьиэ кэргэттэригэр өйөбүл миэрэлэр СӨ Ил Дархана Айсен Николаев ыйааҕынан оҥоһуллаллар. Маннык сыал-сорук судаарыстыба былааһын бары таһымыгар турарын РФ Бэрэсидьиэнэ Владимир Путин хаста да ыйан турар. Кини: «Байыаннай сулууспалаахтар дойдулара кинини өйүүрүн уонна кинилэр байыаннай дьайыы чэрчитинэн толорор оруолларын, миссияларын өйдүүллэрин билиэхтээхтэр», — диэн бэлиэтээбитэ.
СӨ Ил Дарханын уонна Бырабыыталыстыбатын пресс-сулууспата
Нумеролог Мариана Тимофеева 2025 сылы билгэлээтэ. Үүммүт сыл, сыыппара хараҕынан көрдөххө, тугу тосхойоруй? Үүммүт Иэйиэхсит…
Ааспыт сууккаҕа Саха сиригэр 5 буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Саха сиригэр национальнай бырайыактары олоххо киллэриитин алта сыл иһигэр 170 эбийиэк тутулунна: 44 оскуола, 24…
Хаҥалас оройуонугар ДПС инспектордара трассаҕа умуллубут массыыналаах суоппар кыыска көмө оҥордулар. Томороон тымныыларга массыына айаннаан…
Саҥа сылга үктэнээт, киин куоракка култуура кииннэригэр, тыйаатырдарыгар араас ис хоһоонноох дьон сынньалаҥар туһуламмыт тэрээһиннэр…
Тохсунньу 5 күнүгэр социальнай ситимнэринэн Кириэмилгэ Арассыыйа Дьоруойа аатынан Муома улууһуттан Сааһыыр олохтооҕун наҕараадалыахтара диэн…