Хаартыска sakha.gov.ru ылылынна
Доруобуйаларыгар хааччахтаах оҕолору реабилитациялыыр өрөспүүбүлүкэтээҕи кииҥҥэ байыастар дьиэ кэргэттэрин чилиэннэрэ, уопсайа 371 киһи, доруобуйаларын чэбдигиртилэр.
Ол иһигэр 222 оҕо уонна 149 төрөппүт. Бу туһунан киин дириэктэрэ Зинаида Максимова иһитиннэрдэ.
Манна социальнай реабилитацияны ааһарга усулуобуйа барыта тэриллибит, материальнай бааза ирдэбилгэ эппиэттиир. Стационар тохтоло суох үлэлиир. Онно улуустан кэлбиттэр түһэллэр. Оҕолор күҥҥэ биэстэ, улахан дьон — үстэ аһыыллар.
«Кииҥҥэ оҕолор доруобуйаларын көрүү кэлимник ыытыллар. Онтон көрөн доруобуйаларын чэбдигирдэргэ туспа анал маршрут оҥоһуллар. Маны сэргэ, улахан болҕомтобутун төрөппүттэр психологическай туруктарыгар уурабыт. Кинилэр социальнай-психологическай, социальнай-мэдиссиинискэй реабилитацияны ааһаллар«, — диир Зинаида Максимова.
Кини сэтинньи 27 күнүгэр цииркэҕэ сыл ахсын ыытыллар «Твори добро!» үтүө санаа аахсыйата буолбутун этэр. Кииҥҥэ баар байыаннай дьайыы кыттыылаахтарын дьонноро бу тэрээһиҥҥэ сылдьыбыттар, араас маастар-кылаастарга кыттыбыттар, нэһилиэнньэ социальнай көмүскэллээх буолуутун управлениетын уонна РФ Социальнай пуондатын исписэлиистэриттэн сүбэ-ама ылбыттар. Маны таһынан, тэрилтэ тэрийиитинэн түмэлгэ сылдьыбыттар уонна «Арассыыйа ийэлэрэ» Бүтүн Арассыыйатааҕы хамсааһын бэрэссэдээтэлин Прасковья Борисованы кытта көрсүбүттэр.
СӨ Ил Дарханын уонна Бырабыыталыстыбатын пресс-сулууспата
Дьокуускай куорат биир тарбахха баттанар 89-с нүөмэрдээх “Парус” бастыҥ уһуйааҥҥа «МОНТЕССОРИ ПРОСТРАНСТВО» оҕону сайыннарыы эйгэтэ…
Өлөөн улууһун Харыйалаах сэлиэнньэтин урукку дьылларга тэҥнээтэххэ, халлаан ичигэс турар, тымныйа илик. Хаар чараас, күн…
Дойду хоту оройуоннарыгар уһуннук үлэлээбит дьоҥҥо «Хоту үлэтин бэтэрээнэ» диэн ааты иҥэрэр туһунан этии киирдэ.…
«Россия – страна возможностей» бэрэсидьиэн платформатын «Сенеж» мастарыскыайыгар социальнай архитектордар күрэхтэрин 74 кыайыылааҕын биллэрдилэр, бу…
Ил Дархан Айсен Николаев М.К.Аммосов аатынан Хотугулуу-Илиҥҥи федеральнай университет ректора Анатолий Николаевтыын оробуочай көрсүһүүтэ буолла.…
Сир үрдүнэн маҥан ат кэрэтик көтөр. Кутуруга уонна сиэлэ тыалга тэлибирии оонньууллар.Амма өрүс үрдүнэн көтөр…