Хаартыска: 3 №-дээх балыыһа пресс-киинэ
Дьокуускай куорат 3 №-дээх балыыһатыгар байыаннай эпэрээссийэҕэ сылдьар биир дойдулаахтарбыт махтаналлар. Ол курдук Саха сирин байыастара бу күннэргэ эмчиттэр ыыппыт көмөлөрүн — УАЗ уонна “Волга” массыыналары туттулар.
Байыастар: «Светлана Николаевна, улахан махтал, массыыналар Новоазовскайга тиийэн кэллилэр. Ыччаттартан, опорниктартан уонна биһигиттэн Махтал уонна Респект”, — диэн суруйбуттар.
Дьокуускай куорат 3 №-дээх балыыһатын үлэһиттэрэ 2022 сыл сэтинньититтэн Донбасска ыытарга харчы, эмтээх препараттары хомуйбуттара, байыаннай эпэрээссийэ кыттыылаахтарыгар анал таҥас тигиитигэр кыттыбыттара, үс массыынаны ыыппыттара. Бу балыыһаҕа байыаннай эпэрээссийэҕэ барбыт уолаттар кэргэннэрэ уонна ийэлэрэ үлэлииллэр, иллээх-эйэлээх кэлэктиип кинилэри өйүүр.
«Коронавирус инфекциятын утары охсуһар ыарахан кэмнэргэ биһиэхэ эрэллээхтик сулууспалаабыт “бойобуой” массыыналарбыт өссө да сулууспалыахтарыттан үөрэбит”, — диэн балыыһа кылаабынай бырааһа Светлана Давыдова эттэ.
Ил Дархан Айсен Николаев сорудаҕынан Саха Өрөспүүбүлүкэтин Доруобуйаҕа харыстабылын министиэристибэтэ, кылаабынай быраас Светлана Давыдова салайар быраастар биригээдэлэрэ академик Н.Н.Бурденко аатынан кылаабынай байыаннай килииничэскэй госпитальга, Арассыыйа Оборонаҕа министиэристибэтин А.А.Вишневскай аатынан Киин байыаннай килиниичэскэй госпиталыгар, Санкт-Петербург, Ростов-на-Дону уонна Севастополь байыаннай госпиталларыгар хаста да баран бырактыычаскай көмөнү оҥорбуттара. Бэйэлэрэ көҕүлээн, бааһырбыттарга миэстэтигэр көмөлөһөргө чопчу маршрутизацияны оҥорору ситиспиттэрэ.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…