ЯСИА архыыбыттан
Бүгүн, сэтинньи 3 күнүгэр, байыаннай дьайыы 25 байыаһын П.Ойуунускай аатынан норуоттар икки ардыларынааҕы аэропорка көрүстүлэр. Байыастар өрөспүүбүлүкэтээҕи III фашизмы утары пуорум үлэтигэр кыттыахтара.
«Бүгүн Саха сиригэр байыаннай сулууспалаахтар улахан дэлэгээссийэлэрэ кэллэ. Кинилэр — хорсун быһыыларын иһин уоппуска ылбыт Илиҥҥи байыаннай уокурук бастыҥ байыастара.
Сарсын, сэтинньи 4 күнүгэр, байыаннай сулууспалаахтар өрөспүүбүлүкэтээҕи III фашизмы утары пуорумҥа кыттыахтара. Ол иһигэр, «Арассыыйа -– мин устуоруйам» устуоруйа пааркатыгар трофейнай бронетехника быыстапкатын аһыллыытыгар аналлаах миитиҥҥэ, пуорум атын да былаһааккаларыгар», -– диэн РФ бэрэсидьиэнин иһинэн СӨ бастайааннай бэрэстэбиитэлэ -– СӨ Бырабыыталыстыбатын бэрэссэдээтэлин бастакы солбуйааччы Андрей Федотов иһитиннэрдэ.
Санатан эттэххэ, сэтинньи 4-6 күннэригэр Дьокуускайга ыытыллар «Народ и армия едины» өрөспүүбүлүкэтээҕи III фашизмы утары пуорумҥа байыаннай дьайыы кыттыылаахтара, бэтэрээннэр, ыччат уонна уопсастыбаннай тэрилтэлэр бэрэстэбиитэллэрэ түмсүөхтэрэ.
Пуорум ыччат дьыалаларыгр федеральнай ааҕыныстыба (Росмолодежь) өйөбүлүнэн, «Ыччат уонна оҕолор» национальнай бырайыак «Регион для молодых» ыччат бэлиитикэтин биир кэлим сайдыытын бырагырааматын олоххо киллэрии чэрчитинэн ыытыллар.
СӨ бэрэсидьиэнин уонна бырабыыталыстыбатын пресс-сулууспата
Хой Бу нэдиэлэҕэ күүстээх Меркурий эн бэлиэҕэр төннүөҕэ. Ону кытта ситиһии, табыллыы, баҕа санаа туолуута…
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…