Салгыы
Байыастар кэллилэр

Байыастар кэллилэр

Ааптар:
07.07.2023, 11:10
Хаартыска sakha.gov.ru ылылынна
Бөлөххө киир:

Бүгүн Дьокуускай аэропордугар байыастары көрүстүлэр.

Сорохторо кылгас кэмнээх уоппускаларыгар, сорохторо бааһырыыны ыланнар уоппускаҕа кэллилэр. Кинилэр ортолоругар — былырыын мобилизацияҕа барбыт өрөспүүбүлүкэ быыһыыр сулууспатын аэромобильнай этэрээтин быыһааччыта баар. Кини иннинэ аҕата, Саха сирин Быыһыыр сулууспатын Бүлүүтээҕи көрдүүр-быыһыыр этэрээтин начаалынньыга Михаил Ан ыҥырыллан барбыта.

Хаартыска sakha.gov.ru ылылынна

Өрөспүүбүлүкэ бүтүүнэ инники кирбиигэ уол аҕатынаан көрсүбүттэрин хайдахтаах долгуйа ылыммытай?! Байыаннай дьайыыга взвод хамандыырын солбуйааччытынан сылдьыбыт, «Морпех» позывнойдаах штурмалыыр бөлөх хамандыыра Михаил алта ый сулууспалаан баран? быйыл кулун тутарга дойдутугар кэлбитэ. Оттон бүгүн улахан уола кылгас болдьохтоох уоппускаҕа кэллэ.

Байыастары төрөөбүт дойдуларыгар СӨ нэһилиэнньэ олоҕор куттал суох буолуутун хааччыйар кэмитиэт бэрэссэдээтэлин солбуйааччы Никита Павлов, СӨ Быыһыыр сулууспа начаалынньыгын бастакы солбуйааччы Василий Тарскай, байыастар дьонноро-сэргэлэрэ, ону сэргэ өрөспүүбүлүкэтээҕи быыһыыр сулууспа тус састааба көрүстүлэр.

Хаартыска sakha.gov.ru ылылынна

Никита Павлов байыастарга төрөөбүт дойдуларын муҥура суох таптыылларын, бэриниилэрин иһин махтанна уонна Ил Дархан Айсен Николаев аатыттан саха быһахтарын туттарда.

«Эһиги дьиҥнээх патриоттаргыт, биһиги өрөспүүбүлүкэбит эһигинэн киэн туттар. Төрөөбүт дойдуга бэриниигит, сулууспаҕыт иһин махтанабын. Ил Дархан Айсен Сергеевич аатыттан олохтоох маастардар чочуйан оҥорбут быһахтарын туттарабыт. Кинилэр эһиги харысхалгыт кэриэтэ буолуохтара«, — диэтэ Никита Павлов.

СӨ Ил Дарханын уонна Бырабыыталыстыбатын пресс-сулууспата

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
15 июня
  • 21°C
  • Ощущается: 20°Влажность: 49% Скорость ветра: 2 м/с

Сообщить об опечатке

Текст, который будет отправлен нашим редакторам: