Хаартыска sakha.gov.ru ылылынна
Бүгүн Дьокуускай аэропордугар байыастары көрүстүлэр.
Сорохторо кылгас кэмнээх уоппускаларыгар, сорохторо бааһырыыны ыланнар уоппускаҕа кэллилэр. Кинилэр ортолоругар — былырыын мобилизацияҕа барбыт өрөспүүбүлүкэ быыһыыр сулууспатын аэромобильнай этэрээтин быыһааччыта баар. Кини иннинэ аҕата, Саха сирин Быыһыыр сулууспатын Бүлүүтээҕи көрдүүр-быыһыыр этэрээтин начаалынньыга Михаил Ан ыҥырыллан барбыта.
Өрөспүүбүлүкэ бүтүүнэ инники кирбиигэ уол аҕатынаан көрсүбүттэрин хайдахтаах долгуйа ылыммытай?! Байыаннай дьайыыга взвод хамандыырын солбуйааччытынан сылдьыбыт, «Морпех» позывнойдаах штурмалыыр бөлөх хамандыыра Михаил алта ый сулууспалаан баран? быйыл кулун тутарга дойдутугар кэлбитэ. Оттон бүгүн улахан уола кылгас болдьохтоох уоппускаҕа кэллэ.
Байыастары төрөөбүт дойдуларыгар СӨ нэһилиэнньэ олоҕор куттал суох буолуутун хааччыйар кэмитиэт бэрэссэдээтэлин солбуйааччы Никита Павлов, СӨ Быыһыыр сулууспа начаалынньыгын бастакы солбуйааччы Василий Тарскай, байыастар дьонноро-сэргэлэрэ, ону сэргэ өрөспүүбүлүкэтээҕи быыһыыр сулууспа тус састааба көрүстүлэр.
Никита Павлов байыастарга төрөөбүт дойдуларын муҥура суох таптыылларын, бэриниилэрин иһин махтанна уонна Ил Дархан Айсен Николаев аатыттан саха быһахтарын туттарда.
«Эһиги дьиҥнээх патриоттаргыт, биһиги өрөспүүбүлүкэбит эһигинэн киэн туттар. Төрөөбүт дойдуга бэриниигит, сулууспаҕыт иһин махтанабын. Ил Дархан Айсен Сергеевич аатыттан олохтоох маастардар чочуйан оҥорбут быһахтарын туттарабыт. Кинилэр эһиги харысхалгыт кэриэтэ буолуохтара«, — диэтэ Никита Павлов.
СӨ Ил Дарханын уонна Бырабыыталыстыбатын пресс-сулууспата
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…
Быйыл олунньуга Нерюнгрига элбэх кыбартыыралаах дьиэ иннигэр муустан халтарыйан, биирдээх оҕотун көтөҕөн испит ийэ охтубут.…
Өҥүрүк куйаас сатыылаан турдаҕына сарсыардаттан куорат тэрилтэлэрин кэрийэн, ыдьырыйа сылайдарбын даҕаны, син наадабын ситэн, дэриэбинэҕэ…
Ханнык баҕарар киһи элбэх харчылаах буолуон баҕарар. Ол эрээри, биһиги ортобутугар баай, харчыны чэпчэкитик оҥорор…