Байыастар куйаар ситимин көмөтүнэн чугас дьоннорун кытта кэпсэттилэр
![](https://sakha-sire.ru/wp-content/uploads/2023/09/telemost-799x596.jpeg)
Байыаннай дьайыыга сылдьар байыастары кытта телемост көмөтүнэн сибээстэһиини Ил Дархан Айсен Николаев өйөөбүтэ.
«Эһиги бары дьоруойдаргыт. Араҥаччылааччыларбыт, көмүскээччилэрбит буолаҕыт. Биһиги эһигини өрүү өйүүбүт. Бырабыыталыстыба аатыттан эһиги дьиэ кэргэттэргитигэр сөптөөх көмөнү оҥоробут», – диэн СӨ Бырабыыталастыбатын бэрэссэдээтэлин солбуйааччы Ольга Балабкина эттэ.
Арассыыйа Дьоруойа Александр Колесов байыастарга бэйэ-бэйэлэригэр көмөлөсүһэллэригэр баҕа санаатын тиэртэ.
«Уолбутун кытта кэпсэппиппит олус долгутуулаах этэ. Адьас сылааһынан сыдьаайар истиҥ көрсүһүү буолла. Уолаттарбыт адьас ыкса табаарыстыы буолбуттара ырылыччы көстөр», – диэн байыас аймахтара санааларын үллэһиннилэр.
Санатар буоллахха, телемост Саха сирин Ил Дарханын уонна Бырабыыталыстыбатын өйөбүлүнэн РФ Оборуонатын министиэристибэтин быһаччы тэрийиитинэн уонна РФ Бэрэсидьиэнэ Владимир Путин дьаһалынан ыытылынна.
Сообщить об опечатке
Текст, который будет отправлен нашим редакторам: