Хаартыска sakha.gov.ru ылылынна
Байыастар оҕолоругар улахан болҕомто ууруллар. 200 кэриҥэ оҕо «СВОи» бырайыак иитинэн оробуочай идэлэри ылыахтарын сөп.
Бу туһунан СӨ идэҕэ урутаан бэлэмниир киинин дириэктэрин солбуйааччы Полина Барахсанова иһитиннэрэр. Киин 2023 сыллаахха байыаннай сулууспалаахтар дьиэ кэргэттэрин өйүүргэ ылбыт СӨ Ил Дарханын гранын иитинэн бырайыагы олоххо киллэрэр.
Байыаннай сулууспалаахтар оҕолоро «СВОи» бырайыак иитинэн «А», «В», категориялаах суоппар идэтин ылыахтарын сөп. Маны сэргэ фотограф, мэдиссиинэ сиэстэрэтэ, пилота суох көтөр аппарааты салайааччы, уо.д.а. үөрэниэхтэрин сөп.
«Киин өйөбүлүнэн 9-11 кылааска үөрэнэр оҕолор босхо үөрэнэн идэ ылыахтарын сөп. Билигин өрөспүүбүлүкэҕэ уопсайа 24 кииҥҥэ 80 идэҕэ үөрэтэр бырагыраама баар. «СВОи» бырайыакка биһиги 200 оҕону хабыахтаахпыт. Билигин номнуо 168 оҕо араас бырагырааманан үөрэннэ», — диир кини.
Бырайыак туһунан сиһилии манна киирэн көрүөххэ сөп: https://copp14.ru/proekty/svoi.
СӨ Ил Дарханын уонна Бырабыыталыстыбатын пресс-сулууспата
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…
2025 сылга Саха сиригэр биэс муоста тутуллан бүтэрэ былааннанар. Бу туһунан тырааныспар уонна суол хаһаайыстыбатын…
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…