Байыастар оҕолоро «Каландаришвили» лааҕырга сынньаналлар
![](https://sakha-sire.ru/wp-content/uploads/2024/07/dbd164624764574db8bef157f5eda09e9787dee6.jpeg)
Өрөспүүбүлүкэтээҕи чэбдигирдэр лааҕыр бастакы сезонугар анал байыаннай дьайыы кыттыылаахтарын 25 оҕолоро сынньанна.
Бу туһунан от ыйын 22 күнүгэр брифиҥҥэ «Каландаришвили» оҕо чэбдигирдэр лааҕырын начаалынньыга Варлам Расторгуев иһитиннэрдэ.
«Оҕолорго араас тэрээһиннэр ыытылыннылар — бассейннарга. киинэ тыйаатырдарынан сырытыннарыы, куруһуоктар, спортивнай күрэхтэһиилэр буоллулар. Араас дьону кытта көрсүһүү буолла, лиэксийэлэргэ исписэлиистэр кэлэ сырыттылар. Оҕо лааҕырын бастакы сезонун саамай бэлиэ түгэнинэн Кытай Норуодунай Өрөспүүбүлүкэтин дэлэгээссийэтин кытта көрсүһүү буолла», — диэн лааҕыр начаалынньыга бэлиэтээтэ.
Оҕолору күҥҥэ биэстэ аһынан-үөлүнэн хааччыйыы тэрилиннэ. Айар дьоҕурдарын сайыннарыыга араас тэрээһиннэр буоллулар.
Билигин лааҕыр иккис сезонугар анал байыаннай дьайыы кыттыылаахтара 18 оҕолоро сынньаналлар. Саха сиригэр анал байыаннай дьайыы дьиэ кэргэттэригэр 13 көмө миэрэтэ көрүллэр, онтон үөрэх эйгэтигэр — 11, оҕо уһуйааннарыгар босхо сырытыннарыы, устудьуоннарга үрдүк истипиэндьийэ, сайыҥҥы лааҕырдарга босхо путевкалары биэрии, о.д.а. Оҕолорго сайыҥҥы сынньалаҥы уонна чэбдигирдии боппуруостарынан «итии лииньийэ» босхо нүөмэрэ: +7 800 550-14-21.
Сообщить об опечатке
Текст, который будет отправлен нашим редакторам: