Байыастар оҕолоро Кириэмил харыйатыгар кытыннылар

Саҥа дьыл иннинэ байыаннай дьайыы кыттыылаахтарын оҕолоро — 32 үөрэнээччи Москваҕа Кириэмил харыйатыгар кытынна. Бу туһунан брифинг кэмигэр СӨ Үөрэххэ уонна наукаҕа министиэристибэтин психологическай-педагогогическай арыаллааһыҥҥа методическай өрөспүүбүлүкэтээҕи киинин методиһа Полина Кривошапкина иһитиннэрдэ.

Үөрүүлээх тэрээһиҥҥэ Дьокуускайтан уонна улуустартан оҕолор кытыннылар. Кинилэр бары олимпиадалар, араас айар куонкурустар, спортивнай күрэхтэһиилэр кыайыылаахтарынан уонна призердарынан буолаллар.

Оҕолор Кириэмил дыбарыаһын көрдүлэр, итиэннэ «Заветные куранты» туруорууга сырыттылар. Муома улууһуттан сылдьар Камилла Громова кэнсиэртиир былаһааккаҕа сахалыы ыллаан иһитиннэрдэ. Оҕолорго бэлэх-туһах туттарбыттар.

Сиһилии: https://www.sakha.gov.ru/news/18291