Байыастар оҕолоро Краснодарскай кыраайга көттүлэр
01.06.2024, 18:30
Ил Дархан, бырабыыталыстыба пресс-сулууспата.
Бөлөххө киир:
Оҕо көмүскэлин күнүгэр байыаннай дьайыы кыттыылаахтарын оҕолоро — барыта 160 оҕо Краснодарскай кыраай Туапсинскай оройуонун «Созвездие» лааҕырыгар сынньана көттүлэр.
— Быйыл оҕо сайыҥҥы сынньалаҥар уонна дьарыктаах буолуутугар туһуламмыт кэлим үлэ саҕаланна. Улуустарга үлэ, спортивнай, экологическай лааҕырдары тэрийэр көҕүлээһиннэри өйүөхпүт. Байыаннай дьайыы кыттыылаахтарын оҕолоро өрөспүүбүлүкэ тас өттүгэр сынньаныахтара, — диэн бырабыыталыстыба бэрэссэдээтэлин солбуйааччы Анатолий Семенов кэпсээтэ.
Быйыл байыастар оҕолоро — барыта 960 оҕо алта бөлөҕүнэн баран, Краснодарскай кыраай лааҕырдарыгар сынньаныахтара. Путевка уонна айан ороскуота өрөспүүбүлүкэ суотуттан толору төлөнөр.
Оҕолору кытта алта уопуттаах арыаллааччы — педагогтар уонна миэдиктэр көттүлэр. Биир педагог кэлиэхтэригэр диэри арыаллаан илдьэ сылдьыаҕа. Аара Москваҕа волонтердар көрсөн, көмөлөһүөхтэрэ.
«Созвездие» лааҕыр Хара муора кытылыгар «Геолог Ямала» чэбдигирдэр комплекс баазатыгар баар. Оҕолору интэриэһинэй бырагыраама, саҥа билсиһиилэр, муораҕа сөтүө, умнуллубат күннэр күүтэллэр.
Ил Дархан, бырабыыталыстыба пресс-сулууспата.
+1
+1
1
+1
+1
+1
+1
+1
Сообщить об опечатке
Текст, который будет отправлен нашим редакторам: