СИА хаартыската
Байыастар оҕолоро маҥнайгы кылааска бастакы уочарат киирэр бырааптаахтар, диэн Үөрэх уонна билим миниистирэ Нюргуна Соколова брифинг кэмигэр эттэ.
«Сүрүнэ — олорор сиринэн прописката уонна сыһыарыллыбыт оскуолата. Оччотугар оҕолор бастакы уочарат бэрээдэгинэн киириэхтэрин сөп», — диэтэ биэдэмистибэ баһылыга
Дойду үрдүнэн муус устар 1 күнүттэн маҥнайгы кылааска суруттарыы саҕаланар. Нюргуна Соколова санаппытынан, бастакы кылааска суруттарыы «Госуслуги» өҥө портал нөҥүө ыытыллар, ону таһынан төрөппүттэр быһаччы оскуолаҕа сайабылыанньа биэриэхтэрин сөп.
«Саха сирин үрдүнэн 570 оскуолаҕа бастакы кылааска үөрэнээччилэри ылыахтара. 15,5 тыһыынчаттан тахса саҥа үөрэнээччи киирэрин былаанныыбыт. Биһиги анал байыаннай дьайыы кыттыылаахтарын оҕолоро киириилэрин кэтээн көрүүнү ыытабыт. Дьокуускай куоракка 300- тэн тахса оҕо баар, оттон Саха сиригэр — 480- тэн тахса оҕо», — диэн эттэ салайааччы.
Миниистир быйыл «Госуслуги» өҥө портал саҥа кыах үөскээбитин болҕомтоҕо ылла.
«Муус устар 1 күнүгэр сайабылыанньа биэрээччилэртэн чэпчэтиинэн туһанааччылар болдьоҕу кэтэспэккэ, эрдэ ыытар кыахтаахтар», — диэн Нюргуна Соколова бэлиэтээтэ.
Оскуолаҕа киирии бастакы түһүмэҕэ бэс ыйын 30 күнүгэр түмүктэниэҕэ, ол кэнниттэн от ыйын 6 күнүттэн балаҕан ыйын 5 күнүгэр диэри оскуоланы бэйэ баҕатынан талар кыахтаналлар.
Сыыппаралаах эйгэҕэ албыннатыы, түөкүннээһин, тус чахчылары уордарыы, куһаҕан дьон хара санаатыгар киирэн биэрии уо. д. а. тахса…
Бүгүн, бэс ыйын 8 күнүгэр, 8 чаас саҕана Хаҥалас Улахан Аанын олохтооҕо эр киһи дьиэтигэр…
Бүгүн, бэс ыйын 8 күнүгэр, Саха сирин сорох улуустарыгар быстах ардыыра, этиҥнээх ардах түһэрэ күүтүллэр…
Сулустар тугу кэпсииллэр? Астрологтар тугу билгэлииллэр? ХОЙ Ситэ быһаарыллыбатах дьыаланы аһаҕас хаалларар сэрэхтээх буолбут. Онон…
Уопсайа 500-тэн тахса араас саастаах дьон «Вместе Победим!» диэн сүүрүүгэ кыттыыны ыллылар. Бу аахсыйа онкологическай…
Дьылҕа хаан ыйааҕа билиэҕэ диэн санаа сахаларга хайдах, хаһан кэлбитин билбэтим гынан баран, хас биирдии…