Хаартыска: СахаГов.ру
Өксөкүлээх Өлөксөй аатынан Норуоттар доҕордоһууларын дьиэтигэр «НовоГОДний лабиринт МультиВСЕленной» диэн оҕо тыйаатырын туруоруутун көрдөрдүлэр. Манна анал байыаннай дьайыы байыастарын оҕолоро бырааһынньыкка ыҥырыллан, сырыттылар.
Кыттааччылар этэллэринэн, сэргэх, көхтөөх испэктээк эдэр көрөөччүлэр сүрэхтэрин сүүйдэ. Интерактивнай сюжет, сиэдэрэй декорациялар уонна тыыннаах муусука оҕолору дьиҥнээх Саҥа дьыллааҕы эйгэҕэ угуйан илтилэр.
«Бу бэртээхэй оҕо бырааһынньыгар ыҥырбыт «Аҕа дойдуну көмүскээччилэр» судаарыстыбаннай пуонда салаатыгар ис сүрэхпититтэн махталбытын тиэрдэбит. Испэктээк олус сэргэхтик ааста, оҕолор астыннылар!» диэн байыаннай дьайыы бэтэрээнэ Анатолий Аржаков эттэ.
«Оҕо тэрээһинигэр билиэт биэрбит «Аҕа дойдуну көмүскээччилэр» судаарыстыбаннай пуонда салаатыгар улахан махтал! Оҕобут олус үөрдэ! Оҕобутугар дьиҥнээх остуоруйа этэ — тыыннаах испэктээк, көр-күлүү, оонньуулар, умнуллубат иэйиилэр. Эһиэхэ ис сүрэхпититтэн махтанабыт», — диэн Виктория Сосина махтанна.
Саха сирэ байыаннай дьайыы кыттыылаахтарыгар, кинилэр дьиэ кэргэттэригэр ситимнээх өйөбүлү оҥорор. Уопсайынан, өрөспүүбүлүкэҕэ өйөбүл миэрэлэр кэлимник олоххо киирэллэр — 44 эрэгийиэннээҕи, 64 федеральнай, 9 сүрүн муниципальнай миэрэлэр бааллар.
Байыаннай сулууспалаахтар дьиэ кэргэттэригэр эрэгийиэннээҕи сүрүн өйөбүл миэрэлэрин олоххо киллэрии Ил Дархан Айсен Николаев «О мерах поддержки участников спецвоенной операции и их семьи в ходе спецвоенной операции» диэн ыйааҕынан быһаарыллар.
Саха сирин амарах, үтүө санаалаах дьоно тиһигин быспакка анал байыаннай дьайыыга сылдьар, госпиталларга сытар биир…
Мэҥэ Хаҥалас улууһугар Аллараа Бэстээх сэлиэнньэтигэр учаастактааҕы балыыһа үөрүүлээх аһыллыыта буолла. 1200 кв. миэтэрэттэн тахса…
Амма улууһун Олом Күөлүн эргин ардай аһыылаах бөрөлөр баалларын туһунан “Наахара” бааһынай хаһаайыстыбатын баһылыга Егор…
Хаҥалас улууһугар дьахтар бииргэ олорор эр киһитин быһаҕынан анньан эчэтэн, холуобунай дьыала тэрилиннэ. Биир сарсыарда…
Ааһан эрэр 2025 сылы туһанааччылар иэһэ суох түмүктүүллэрин туһугар “СӨ ОДьКХ” ГУП Саҥа дьылы көрсө…
Дьокуускайга улахан суумалаах харчыны сүтэрбит киһиэхэ көмөлөстүлэр. Биир киһи харчыны булан баран, полицейскайдарга тыллаан, хаһаайынын…