Ил Дархан Айсен Николаев быһа эпиирин кэмигэр, төрөппүттэр эрийэн, Краснодарскай кыраайга лааҕырдарга сынньана барбыт оҕолор балаһыанньаларын туһунан ыйыттылар. Ил Дархан бу түбэлтэни тус хонтуруолугар ылла.
— Бу киһи абарар түбэлтэтэ судаарыстыбаннай тендер куонкуруһугар кыайбыт туроператор буруйунан таҕыста. Хомойуох иһин, маннык куонкурустарга кыайбыт тэрилтэлэр куруук үрдүк хаачыстыбаны мэктиэлээбэттэр. Оҕолор, буолаары буолан, байыастар оҕолор маннык балаһыанньаҕа түбэһиэ суохтаахтар, — диэн Айсен Николаев эппитэ.
От ыйын 13 күнүгэр анал байыаннай дьайыы кыттыылаахтарын дьэи кэргэттэриттэн 149 оҕо Краснодарскай кыраайга сынньана көппүттэрэ. Икки күн «Дружба» лааҕырга түһэн, Хара муораҕа сөтүөлээн, астыммыттара-дуоһуйбуттара.
Онтон кинилэри соһуччу «Зарница» лааҕырга көһөрбүттэрэ, онно санитария ирдэбиллэригэр эппиэттээбэт кир-хох, эргэ, алдьаммыт миэбэл, хайдыбыт, түүнүгүрбүт утуйар таҥас, араас үөн-көйүүр, түүнүк, о.д.а. баар эбит.
Куонкуруһу Санкт-Петербуртан урбаанньыт кыайбыт, кини СӨ үөрэххэ министиэристибэтин кытта сөбүлэһиннэрбэккэ, сэрэппэккэ эрэ «Зарница» лааҕырга көһөрөргө быһаарыныы ылыммыт. Бука, харчытын кэмчилээтэҕэ буолуо.
Ил Дархан Саха сирин Бастайааннай бэрэстэбиитэлистибэтигэр, тустаах министиэристибэлэргэ оҕолору кылгас кэм иһигэр атын лааҕырга көһөрөргө сорудах биэрдэ.
Үөрэх миниистирин солбуйааччы Алевтина Аргунова, юрист уонна «Сосновый бор» лааҕыр бырааһа бүгүн көтөн тиийдилэр. Кинилэр оҕолор хайдах усулуобуйаҕа олороллорун көрөн-истэн, сыана быһан, бигэргэтиэхтэрэ.
Үп-харчы ырыынагын исписэлиистэрэ, эспиэрдэрэ уонна аналитиктара баан сүрүн ыстаапката үрдүүрүн күүтэллэр. Бу туһунан боппуруоһу Арассыыйа баана аныгыс…
Саха сирин салалтата 2025 сылга тыа хаһаайыстыбатын өйөөһүҥҥэ үбүлээһин кээмэйин быйылгы сыллааҕы таһымнаах хаалларар санаалаахтар.…
Госдуумаҕа дьокутааттар миграннарга албын ийэ, аҕа уонна ыал буолууну утары охсуһууга туһуламмыт сокуон барылын бүтэһиктээх…
«Урбаанньыт аҕалар» үөрэх бырайыага бу сыл алтынньы 28 күнүттэн сэтинньи 22 күнүгэр диэри ыытыллыаҕа. Босхо…
Бу субуотаҕа, алтынньы 19 күнүгэр, Бастакы ханаал «Играем свадьбу» бырагырааматын таһаарыытыгар эбэҥки норуотун ыал буолуу…
Ааспыт сууккаҕа Дьокуускай куорат полициятын учаастактааҕы боломуочунайдара сокуоннай сааһын ситэ илик оҕолорго арыгыны атыылааһын биэс…