Байыастар оҕолорун Өлүөнэ эбэҕэ хатааһылаттылар

Дьокуускайга «Биир ньыгыл Арасыыйа» баартыйа уопсастыбаннай өйөбүлүн ыстааба, Саха сиринээҕи ЫБММ сүрүн управлениетын иһинэн үлэлиир Кыра кээмэйдээх суудуналар судаарыстыбаннай иниспиэксийэтин кытта кыттыһан, ураты тэрээһини ыытта.

Тэрийээччилэр анал байыаннай дьайыы кыттыылаахтарын оҕолоругар ГИМС анал тиэхиньикэтинэн Өлүөнэ эбэҕэ хатааһылааһыны тэрийдилэр. Бу туһунан Саха сиринээҕи «Биир ньыгыл Арассыыйа» баартыйа пресс-сулууспата иһитиннэрэр.

Тэрээһин сылын ахсын от ыйыгар үгэс быһыытынан бэлиэтэнэр Дьиэ кэргэн, таптал уонна бэриниилээх буолуу күнүгэр ананан ыытылынна. Тэрийээччилэр кэнчээри ыччат ортотугар дьиэ кэргэн сыаннастарын бөҕөргөтүү уонна патриоттуу тыыҥҥа иитии суолталааҕын  бэлиэтээтилэр. Оҕолор судаарыстыбаннай иниспиэксийэ анал тиэхиньикэтинэн хатааһылыыр, уу үрдүгэр быыһааччылар уонна ЫБММ үлэһиттэрин үлэлэрин-хамнастарын кытта чугастан билсэр ураты кыахтаннылар.

Бу бырааһынньык күн оҕолорго үөрүүнэн, сылааһынан уонна үтүө өйдөбүлүнэн толору дьиҥнээх бэлэх буолла. «Биир ньыгыл Арассыыйа» баартыйа дьиэ кэргэн үнүстүүтүн  бөҕөргөтүүгэ, патриоттуу тыыҥҥа иитиини сайыннарыыга уонна дойду кэнчээри ыччата толору сайдарыгар табыгастаах эйгэни тэрийиигэ туһуламмыт көҕүлээһиннэри салгыы көхтөөхтүк өйүүр.