Хаартыска sakha.gov.ru ылылынна.
Идэҕэ урутаан бэлэмниир киин 9-11 кылаастарга үөрэнэр саастаах оҕолору — байыастар оҕолорун оробуочай идэлэргэ үөрэтиитин саҕалаата.
Бу Ил Дархан Айсен Николаев гранын олоххо киллэрии чэрчитинэн ыытыллар. Бу туһунан бүгүн, алтынньы 25 күнүгэр, брифиҥҥэ СӨ идэҕэ урутаан бэлэмниир киинин дириэктэрэ Владислав Хабаров иһитиннэрдэ.
«Бүгүҥҥү күҥҥэ 11 оҕо Аллараа Бэстээххэ тырааныспар тиэхиньикумугар фотограф идэтигэр үөрэннэ. Оттон Нерюнгри куоракка мэдиссиинэ сиэстэрэтэ идэтигэр сэттэ оҕо үөрэнэр. 200 кэриҥэ оҕо үөрэнэригэр тус ыйыыны уонна идэҕэ туһаайыыны ылыахтара. Оҕолор өрөспүүбүлүкэҕэ баар үөрэх кыһаларыгар оробуочай идэлэргэ босхо үөрэниэхтэрэ«, — диир кини.
Үөрэнии — босхо. 9-11 кылаас үөрэнээччилэрэ суоппартан сыбаарсык идэтигэр тиийэ талан үөрэниэхтэрин сөп.
«Үөрэх дьыла саҕаланыаҕыттан оҕолортон сайаапкалары ылыы саҕаламмыта. Биһиги араас идэлэр, ол иһигэр Саха сиригэр ирдэнэр идэлэр тустарынан кэпсээтибит. Салгыы оҕолор өрөспүүбүлүкэҕэ үөрэх кыһаларыгар талан ылбыт идэлэригэр босхо үөрэниэхтэрин сөп«, — диэн Владислав Хабаров эбэн эттэ.
«СВОи» бырайыакка кыттарга, төрөппүт идэҕэ урутаан бэлэмниир кииҥҥэ (ЦОПП): Крупская уул. 13, 1 мэндиэмэнигэр билсиэхтэрин сөп. Сиһилии киин саайтыгар киирэн https://copp14.ru/ көрүөхтэрин сөп.
Аҕа дойду Улуу сэриитин кыттыылааҕа Егор Балбахов, анал байыаннай дьайыы кыттыылаахтара Айаал Балбахов, Валентин Кутейкин…
Соторутааҕыта Дьокуускай куорат маҕаһыыннарыгар саҥа, интэриэһинэй бородуукта баар буолла – эноки диэн ааттаах тэллэй. Азия…
СӨ Ил Дархана Айсен Николаев, РФ Оборуонатын миниистирин солбуйааччы Александр Санчигы кытта, РФ Сэбилэниилээх күүстэрин…
Саха сирин үтүөлээх этээччитэ Арыйаана Романовна Михайлова тэрийбит үбүлүөйдээх күрэҕэр Ньурба улууһуттан Маар орто оскуолатыттан…
Саха сирин, Тыва, Камчатка үөрэх кыһаларын бүтэрбит эдэр дьон үксүн үөрэммит эрэгийиэннэригэр олохсуйан үлэлии хаалаллар,…
Бүгүн, ахсынньы 5 күнүгэр, Дьокуускайдааҕы А.Е. Кулаковскай аатынан норуоттар доҕордоһууларын дьиэтигэр өрөспүүбүлүкэ норуоттарын национальнай култуураларын…