sakha.gov.ru
Байыаннай дьайыы кыттыылаахтарын оҕолоро доруобуйаларын чэбдигирдэр лааҕырдарга сынньаныахтара.
Ол курдук, 2733 оҕо сынньанара былааннанар. Бу туһунан СӨ үөрэҕин уонна билимин миниистирин солбуйааччы Степан Степанов иһитиннэрдэ.
—Биһиги байыаннай дьайыы кыттыылаахтарын оҕолоро үчүгэйдик сынньаналларыгар туох баар кыһамньыбытын уурабыт. Бэс ыйын саҥатыгар Владивостокка «Алые паруса» лааҕырга сынньана барыахтара. Быйыл бырагыраамабыт киэҥ — 2700-тэн тахса оҕону хабабыт. Бу лааҕырдарга көннөрү симиэнэнэн сынньаныы эрэ буолбатах, оҕолор чэбдигирэллэригэр, астына сынньаналларыгар, саастыылаахтарын кытары кэпсэтэллэригэр, доҕордоһоллоругар ананар, — диэн бэлиэтиир миниистири солбуйааччы.
Этиллэринэн, 560 оҕо сайын Приморье кыраайыгар сынньаныахтаах. Сорохтор — Владивостокка «Алые паруса» лааҕырга. Бастакы симиэнэ номнуо бэс ыйын 2 күнүттэн сынньанар. Бөлөххө 161 оҕо баар.
Бүгүҥҥү күҥҥэ «Алые паруса» лааҕыры кытта 300 путевкаҕа икки хантараакка илии баттанан турар. Эбии 260 путевка ылыллыахтаах.
Өрөспүүбүлүкэ таһыгар сынньана барар оҕолор салгын аалынан уонна тимир суолунан айанныыллара быһаарыллыбыт. Былааннаммытынан 278 оҕо салгын аалынан, 282 оҕо пуойаһынан бараллар.
Ону таһынан, 1973 оҕо өрөспүүбүлүкэ иһигэр муниципальнай лааҕырдарга сынньаналлар.
Сиһилии https://www.sakha.gov.ru/news/5225 ааҕыахха сөп.
СӨ Ил Дарханын уонна Бырабыыталыстыбатын пресс-сулууспата
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…