Байыастар оҕолорун Тымныы оҕонньор эҕэрдэлээтэ

Байыастар оҕолоругар «Арассыыйа — мин устуоруйам» пааркаҕа Саҥа дьылынан бырааһынньык тэрилиннэ.

—Тэрээһиҥҥэ 120 оҕо сырытта. Кинилэргэ бэлэхтэр туттарылыннылар. Оҕолорго цииркэ артыыстара — фокус көрдөрөөччүлэр, гимнастар, клоуннар, уо.д.а. артыыстар Саҥа дьыллааҕы үөрүүнү-көтүүнү бэлэхтээтилэр. Маны сэргэ, маастар-кылаастар ыытылыннылар, квест-оонньуулар тэрилиннилэр, бэртээхэй экскурсия буолла. Оҕолору саҥа сылынан Тымныы оҕонньор уонна Хаарчаана эҕэрдэлээтилэр, — диэн тэрийээччилэр иһитиннэрэллэр.

РФ Бэрэсидьиэнэ В.Путин байыастар оҕолоругар улахан болҕомтотун уурар. Саха сиригэр Ил Дархан Айсен Николаев ыйааҕынан, 2023 сыл сэтинньи 1 күнүттэн байыастар оҕолорун өйүүргэ саҥа миэрэлэр олоххо киллэриллибиттэрэ.

Сиһилии https://www.sakha.gov.ru/news/front/view/id/3383226 манна көрүҥ.

СӨ Ил Дарханын уонна Бырабыыталыстыбатын пресс-сулууспата

Хаартыска «Арассыыйа — мин устуоруйам» мультимедийнэй паарка пресс-сулууспатыттан