Байыастар «Саха сирэ эйигин кытта!» ыстааптан эбии экипировка ылаллар

Байыаннай дьайыылартан уоппускаларыгар дойдуларыгар кэлэ сылдьан баран төннөр байыастар «Саха сирэ эйигин кытта!» хамсааһын ыстаабыттан эбии экипировканы уонна күннээҕи туттуллар малы-салы ылыахтарын сөп.

Ол туһунан бүгүн ыстаап салайааччыта Айыл Дьулурха брифинҥэ иһитиннэрдэ.

«Бу күннэргэ дойдуларыгар уоппускаларыгар кэлэ сылдьан баран, байыаннай дьайыыларга төннөр байыастары  ыстаап эбии таҥаһынан, экипировканан хааччыйар. Күҥҥэ 20-н тахса байыаннай кэлэн өрөспүүбүлүкэ олохтоохторун көмөлөрүн ылаллар», – диэтэ уопсастыбанньык.

Санатар буоллахха, «Саха сирэ эйигин кытта!» хамсааһын ыстааба  Дьокуускай куоракка, Орджоникидзе уулуссатын, 10 дьиэтигэр (киирии ойоҕос аанынан), 10:00 — 19:00 ч. диэри өрөбүлэ суох үлэлиир.

СӨ Ил Дарханын уонна Бырабыыталыстыбатын пресс -сулууспатын хаартыската