"Сахаволонтердара" хамсааһын хаартыската
«Сахаволонтердара» уопсастыбаннай хамсааһын бу күннэргэ Хабаровскай куоракка баар 301-с уокуруктааҕы байыаннай клиническэй госпиталтан махтал сурук туттулар.
Онно маннык суруллубут: «Хабаровскайтан эҕэрдэ! Бу манна 301 госпитальга Саха сириттэн 9 киһи буолан эмтэнэ сытабыт. Араас улуус дьоно байыаннай дьайыылартан кэлэн реабилитация ааһабыт. Бүгүн Елена Лебедкина диэн бэрт сэргэх волонтер кэлэн барда. Кэһиитэ, аһа диэн мааныта. Кус этинэн күндүлээтэ. Сааспыт кэлбит курдук буолла. Ону таһынан алаадьы, барыанньа, эт-балык, үрүҥ аһылыгар тиийэ аҕалан уолаттары аһатта. Манан даҕатан, «Сахаволонтердарыгар», Владивосток, Хабаровскай, Москва, Доннааҕы Ростов уо.д.а. баар волонтердарга бука барыларыгар улахан махталбытын биллэрэбит. Саха дьонугар, чуолаан, салалтаҕа, саллааттарга көмөлөһөр волонтердарга күүс-көмө, илии-атах буолуҥ, кинилэри өйөөҥ диэхпитин баҕарабыт. Биһиги этэҥҥэ буолан, эмиэ дойдубутугар тиийэн волонтердарбытыгар туох кыалларынан көмөлөһүөхпүт диэн этэбит!»
Хабаровскай куоракка баар 301-с уокуруктааҕы байыаннай клиническэй госпиталга эмтэнэ сытар байыаннай дьайыыларга кытта сылдьар уолаттарбыт ис сүрэхтэриттэн махтаммыттар. «Сахаволонтердара» хамсааһын волонтердара Арассыыйа киин куораттарыгар баар госпиталларга барыларыгар сылдьан, бааһырбыт, эмтэнэ сытар байыастарга сахалыы дьиэ аһын астаан илдьэн, кинилэр наадаларыгар сүүрэн улахан үтүө дьыаланы оҥороллор. Үтүө дьыала кэскили түстүүр, «үтүө үтүөнэн эргиллэр» диэн мээнэҕэ эппэттэр.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…