Хаартыска: Сахагов.ру
Байыаннай дьайыы саҕаланыаҕыттан, өрөспүүбүлүкэҕэ байыастар уонна кинилэр дьиэ кэргэттэрин чилиэннэрин кытта бэйэ дьарыктаах буолууну көҕүлүүр үлэ чэрчитинэн, 175 социальнай дуогабар түһэрсиллибит. Бу туһунан алтынньы 23 күнүгэр ыытыллыбыт брифиҥҥэ СӨ Үлэҕэ уонна социальнай сайдыыга миниистирэ Елена Волкова эттэ.
«Байыаннай дьйыы кыттыылаахтарын кытта 65 уонна дьиэ кэргэттэрин кытта 110 социальнай хантараак түһэрсиллибит. Икки сыл устата бары социальнай хантараактары кэтээн көрөн, өйөөн кэллибит. Бойобуой дьайыы бэтэрээннэригэр социальнай адаптация бырагырааматыгар үп-харчы көмөтө эрэ буолбакка, маннык социальнай дуогабар олоххо киирэригэр уонна өссө көдьүүстээх буоларыгар көмөлөһүөн сөптөөх үгүс миэрэлэр киирэллэр», — диэн бэлиэтээтэ Елена Волкова.
Кини этэринэн, социальнай хантараакка олоҕурбут судаарыстыбаннай социальнай көмө байыаннай дьайыы кыттааччыларыгар уонна кинилэр дьиэ кэргэттэригэр саамай тарҕаммыт уонна сөптөөх өйөбүл миэрэтинэн буолар. Бу бырагыраамаҕа киирбит үп-харчы бэйэ дьыалатын тэринэргэ эбэтэр, кэтэх хаһаайыстыбаны сайыннарарга туһаныллыан сөп.
Холобур, Ньурба улууһугар байыас дьиэ кэргэн бэкээринэтин арыйарга быһаарыммыта. Бу санаатын социальнай хантараак көмөтүнэн олоххо киллэрэр кыахтанна. Билигин кинилэр бэкээринэлэрин нэһилиэк олохтоохторо олус сөбүлүүллэр.
«Байыаннай дьайыы кыттыылаахтара уонна кинилэр дьиэ кэргэттэрэ үлэ көрдөөһүн бырагырааматынан туһаныахтарын сөп. Бу олус көдьүүстээх өйөбүл миэрэтэ. Социальнай көмүскэл уорганнара үлэ булалларыгар көмөлөһөллөр эрэ буолбакка, тоҕус ыйга диэри түһэрсиллибит социальнай хантараак кэмигэр өйөбүлү оҥороллор. Ону таһынан, социальнай хантараагы туһанан, үөрэххэ уонна эбии үөрэтиигэ көмө оҥоһуллуон сөп», — диэн миниистир эбэн эттэ.
Сиһилии аах: https://www.sakha.gov.ru/news/14277
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…