sakha.gov.ru
Байыастар төрөппүттэрэ санаторийга-куруорка эмтэнэллэригэр көмө оҥоһуллар.
Ол курдук, 655 төрөппүт маннык көмөнөн туһаммыт. Бу туһунан СӨ Бырабыыталыстыбатын Бэрэссэдээтэлин солбуйааччы Георгий Степанов иһитиннэрдэ.
—Маннык көмө үс сылга биирдэ бэриллэр, 14 күн эмтэнэргэ. Бүгүҥҥү күн туругунан 655 төрөппүт туһанна, — диир Георгий Степанов.
Өрөспүүбүлүкэҕэ байыаннай сулууспалаахтарга — СВО кыттыылаахтарыгар уонна кинилэр дьиэ кэргэттэригэр аадырыстаах көмөнү оҥоруу салҕанар. Бүгүҥҥү иһитиннэриинэн 184 дьиэ кэргэн олорор дьиэлэрин гаастааһыҥҥа материальнай көмөнү ылбыт. 496 киһи байыаннай сулууспалаах эмтэнэр сиригэр барарга материальнай көмөнөн туһаммыт. 1246 байыас уонна кинилэр дьиэ кэргэттэрин 2208 чилиэнэ доруобуйа харыстабылын тэрилтэлэригэр доруобуйаларын чэбдигирдиммиттэр.
Нэһилиэнньэ дьарыктаах буолуутун кииннэригэр 760 киһи үлэ көрдөөн ыйыталаспыт. Ол иһигэр 280 байыаннай дьайыы кыттыылааҕа уонна 479 байыаннай сулууспалаахтар дьиэ кэргэттэрин чилиэннэрэ. Итинтэн 161 киһи үөрэххэ ыытыллыбыт, 440 киһи үлэнэн хааччыллыбыт.
Сиһилии: https://www.sakha.gov.ru/news/3960 манна көрүөххэ сөп.
СӨ Ил Дарханын уонна Бырабыыталыстыбатын пресс-сулууспата
Киһи ханнык ыйга төрөөбүтүнэн майгыта эмиэ оннук буолар диэн этэллэр. Бу туһунан билэҕин дуо? Ханнык…
"19-с хайыһар биригээдэтин суолунан..." диэн төһөлөөх чинчийэр үлэ барбыта буолуой?! Старай Русса Ильмень күөлүгэр төһөлөөх…
Саха Өрөспүүбүлүкэтин норуодунай бэйиэтэ Савва Иванович Тарасов: “Мин Уус-Алдан Хоротун Крыловтарын туһунан хомуллубут матырыйаалы билсэн…
Быйыл 2025 сылга Улуу Кыайыы 80 сыла. Өрөгөйдөөх үбүлүөйдээх, хаһан да өлбөөдүйбэт Улуу бырааһынньыкпыт буолаары…
Ыам ыйын 8 күнүгэр "Кэҕэ'' ("Кукушка'') диэн саҥа киинэ киэҥ экраҥҥа тахсыаҕа. Режиссер - Евгений…
Ыам ыйын 19 күнүттэн Саха сиригэр "СВОе дело" бырайыак саҕаланар. Бу туһунан "Мин биисинэһим" киинтэн…