Байыастар тиэхиньикумҥа үөрэнэллэр

М.Н.Донской аатынан Өрөспүүбүлүкэтээҕи инбэлииттэр идэтийиилэрин уонна медико-социальнай реабилитацияларын тиэхиньикум-интэринээтигэр 2023 сылтан байыаннай дьайыы 19 кыттыылааҕа уонна кинилэр дьиэ кэргэттэрин 86 чилиэнэ үөрэҕи ааспыт. Бу туһунан брифиҥҥэ дириэктэр Марина Сивцева иһитиннэрбит.

«Байыаннай дьайыы кыттыылаахтарын уонна кинилэр дьиэ кэргэттэрин өйүүр хайысхалартан биирдэстэринэн профориентационнай үлэ буолар, манна идэтийии бырагыраамаларынан үөрэҕи ааһаллар. Биһиги тиэхиньикум-интэринээппитигэр социальнай үлэһит, иистэнньэҥ, парикмахер, асчыт, биэкэр, делопроизводитель, ЭВМ оператора, полуфабрикаттары оҥорооччу курдук идэлэргэ куурустар ыытыллаллар. Холобура, Дьокуускайтан сылдьар байыас Артур Егоров 2025 сыллаахха бэйэ хаһаайыстыбатын тэринээри — дьиэ көтөрдөрүн иитээри уонна оҕуруот аһын үүннэрээри үөрэммитэ. Билигин кини биисинэс-бырайыагын оҥоро сылдьар, социальнай хантараакка киирсиэхтээх», — диэн дириэктэр Марина Сивцева этэр.

Сиһилии: https://www.sakha.gov.ru/news/20354