Байыастар уонна кинилэр дьиэ кэргэттэрэ кэлим реабилитацияны аастылар

Тыһыынчаттан тахса байыас уонна кинилэр дьиэ кэргэттэрэ кэлим реабилитацияны аастылар. Өрөспүүбүлүкэтээҕи инбэлииттэри чөлгө түһэрэр социальнай-чэбдигирдэр киин дириэктэрэ Асида Алексеева бу туһунан иһитиннэрдэ.

Барыта 570 байыас уонна кинилэр чугас дьонноро — 566 киһи, доруобуйаларын чэбдигирдибиттэр.

—«Самородок» бассейны кытта үлэбит салҕанар. Манна байыаннай дьайыы кыттыылаахтарыгар дьарыктар ыытыллаллар. Арчы дьиэтигэр алгыс оҥоһуллар. Манна сылдьаннар туруктара бөҕөргүүр, санаалара күүһүрэр, — диир Асида Алексеева.

Маны таһынан, байыаннай дьайыы кыттыылаахтарыгар уонна кинилэр дьиэ кэргэттэригэр өйөбүл миэрэлэрин, социальнай мэктиэлэр тустарынан иһитиннэриигэ, сүбэҕэ-амаҕа болҕомто ууруллар. Ол инниттэн араас биэдэмистибэлэр, тэрилтэлэр бэрэстэбиитэллэрин кытта көрсүһүүлэр тэриллэллэр. Маннык үлэнэн 98 араас көрсүһүүлэр ыытыллыбыттар, онно сүбэ-ама бэриллэр, ымпыгар-чымпыгар тиийэ быһаараллар.

Сиһилии: https://www.sakha.gov.ru/news/19379

СӨ Ил Дарханын уонна Бырабыыталыстыбатын пресс-сулууспата