Байыастар уонна кинилэр дьиэ кэргэттэрэ үлэнэн хааччыллаллар

 Саха сирин дьарыктаах буолуу сулууспатынан 29 байыас уонна кинилэр дьиэ кэргэттэриттэн 104 киһи үлэнэн хааччыллыбыттар.

СӨ нэһилиэнньэ дьарыктаах буолуутун кэмитиэтин бэрэссэдээтэлин солбуйааччы э.т. Георгий Борисов бэлиэтииринэн, бүгүҥҥү күн туругунан 29 байыас, 104 киһи кинилэр дьиэ кэргэттэриттэн үлэнэн хааччыллыбыттар. Ол иһигэр 2 киһи атын сиргэ үлэ миэстэтигэр көһүүгэ харчынан өйөбүлүнэн туһаммыттар.

«Теплоэнергия», «АЛРОСА», «Анаабыр Алмаастара», «Янолово», СӨ ОДьКХ ГУП, доруобуйа харыстабылын, үөрэх, култуура эйгэлэригэр үлэҕэ киирдилэр. Маны таһынан, 34 байыас үөрэнэ сылдьар. Ол иһигэр суоппар буолаары «С», «Д», «Е» категорияларга үөрэнэллэр», — диэн этэр Георгий Борисов.

Байыастар дьиэ кэргэттэрэ сүрүннээн мэдиссиинэ сиэстэрэтэ, косметолог,  программист, бухгалтер, буолар баҕалаахтар. Бэйэ дьыалатын арыйарга харчынан өйөбүлү 4 байыас уонна кинилэр дьиэ кэргэттэриттэн 19 киһи ылбыттар.

Өрөспүүбүлүкэҕэ судаарыстыба оҥорор өҥөтүн хаачыстыбатын тупсарар туһуттан Доруобуйа харыстабылын, Үлэ уонна Ыччат министиэристибэлэрин кытары бииргэ «Байыастар уонна кинилэр дьиэ кэргэттэрэ үлэнэн хааччыллыыларыгар көмөлөһүү» олоххо киллэриллэр. Нэһилиэнньэ дьарыктаах буолуутун сулууспатын органнарынан профессиональнай үөрэхтээһиҥҥэ уонна эбии анал үөрэхтээһиҥҥэ  бырагырааманан үлэ ыытыллар.

СӨ Ил Дарханын уонна Бырабыыталыстыбатын пресс-сулууспата