Хаартыска sakha.gov.ru ылылынна
Байыаннай дьайыы 533 кыттыылааҕа уонна байыастар дьиэ кэргэттэриттэн 900-тэн тахса киһи доруобуйаларын чэбдигиртилэр.
Саха сиригэр байыаннай сулууспалаахтарга — байыаннай дьайыы кыттыылаахтарыгар уонна кинилэр дьиэ кэргэттэригэр аадырыстаах көмөнү оҥоруу салҕанар.
—Доруобуйа харыстабылын уонна социальнай көмөнү оҥоруу тэрилтэлэригэр байыаннай дьайыы 533 кыттыылааҕа уонна кинилэр дьиэ кэргэттэрин чилиэттэрэ доруобуйаларын чэбдигирдиигэ сырыттылар. 162 киһи дьиэтигэр социальнай көмөнү эбэтэр сорохтор полустационарнай киэбинэн көмөнү ыллылар, — диэн СӨ Бырабыыталыстыбатын Бэрэссэдээтэлин солбуйааччы Георгий Степанов иһитиннэрдэ.
2024 сыл кулун тутар 1 күнүнээҕи иһитиннэриинэн, өрөспүүбүлүкэҕэ 89 дьиэ кэргэн олорор дьиэни гаастааһыҥҥа харчынан көмөнөн туһаммыт. Санаторийга-куруорка 247 байыас төрөппүтэ эмтэммит. Байыас эмтэнэр сиригэр тиийэргэ көмөнөн 237 киһи туһаммыт.
Быйыл РФ Бэрэсидьиэнэ Владимир Путин Анал этиитигэр байыаннай сулууспалаахтар дьиэ кэргэттэрин кытта үлэ суолтатын бэлиэтээбитэ: «Былаас бары уорганнара инникитин даҕаны биһиги дьоруойдарбыт дьиэ кэргэттэрин: саамай чугас дьоннорун туһугар долгуйар, күндүтүк саныыр, дьиэлэригэр күүтэр төрөппүттэрин, кэргэттэрин, оҕолорун, өйүүргүтүгэр көрдөһөбүн», — диэбитэ.
Өрөспүүбүлүкэ дьарыктаах буолуу кииннэригэр 287 киһи үлэ көрдөөбүт, ол иһигэр байыаннай дьайыы 99 кыттыылааҕа уонна байыаннай сулууспалаах дьиэ кэргэниттэн 188 киһи. Кинилэртэн 95 киһи үөрэххэ ыытыллыбыт, 165 киһи үлэнэн хааччыллыбыт.
Георгий Степанов маны сэргэ, байыаннай дьайыы кыттыылаахтара СӨ «О налоговой политике Республики Саха (Якутия)» сокуонугар сөп түбэһиннэрэн тырааныспар нолуогуттан босхолоноллорун бэлиэтээн эттэ. Чэпчэтии тырааныспар көрүҥүттэн уонна кыамтатыттан тутулуга суох, ыйыллыбыт категориялаах гражданнарга тарҕанар.
Вице-премьер байыаннай сулууспаттан барбыттар «Бойобуой дьайыылар бэтэрээннэрэ» дастабырыанньаны ыларга олорор сирдэринэн Байыаннай комиссариат баар сиригэр тиийэллэрин, оттон билигин сулууспалыы сылдьааччылар байыаннай чаастарыгар этэллэрин санатта.
СӨ Ил Дарханын уонна Бырабыыталыстыбатын пресс-сулууспата
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…