Байыастар уонна кинилэр дьоннорун доруобуйаларыгар болҕомто ууруллар

Социальнай-чэбдигирдэр кииҥҥэ уопсайа 256 байыас уонна кинилэр дьиэ кэргэттэрин икки сүүстэн тахса чилиэнэ доруобуйаларын чэбдигиртилэр.

Бу үлэ Ил Дархан Айсен Николаев сорудаҕынан тиһиктээхтик салҕанар.

«Биһиги кииммитигэр 256 байыас уонна 222 кинилэр дьиэ кэргэттэрин чилиэннэрэ доруобуйаларын чэбдигиртилэр. Кинилэргэ  социальнай-психологическай уонна социальнай-мэдиссиинискэй көмө оҥоһулунна», — диэн кэпсиир өрөспүүбүлүкэтээҕи социальнай-чэбдигирдэр киин дириэктэрэ Асида Алексеева.  

Дьон өйүгэр-санаатыгар Арчы дьиэтигэр ыытыллар алгыс сиэрэ-туома олус көмөлөөҕө бэлиэтэннэ. Санааларын саһыыланалларыгар, уоскуйалларыгар байыастарга уонна кинилэр дьонноругар көмөлөһөр диэн этэллэр.

Киин «Сулус» бассейны кытары үлэлэһэр. Манна дьарыктар ыытыллаллар.

Байыастарга уонна кинилэр дьиэ кэргэттэригэр иһитиннэриилэри тиэрдии, сүбэни-аманы оҥоруу салҕанар.

СӨ Ил Дарханын уонна Бырабыыталыстыбатын пресс-сулууспата