Байыастар уонна кинилэр оҕолоро үөрэххэ киирэллэригэр чэпчэтиинэн туһаныахтара

Анал байыаннай дьайыы кыттыылаахтара уонна кинилэр оҕолоро орто профессиональнай үөрэх тэрилтэлэригэр бастакы уочарат бэрээдэгинэн киириэхтэрэ, онтон үрдүк үөрэх тэрилтэлэригэр — туспа кубуотанан.

«Быйылгы үөрэххэ туттарсыы хампаанньата ыытыллар болдьоҕо быһаарылынна. Бакалавриат уонна специалитет хайысхаларынан бэс ыйын 20 күнүттэн докумуоннары ылыы саҕаланар. От ыйын 25 күнүттэн — үрдүк үөрэх тэрилтэлэригэр, атырдьах ыйын 15 күнүттэн — орто профессиональнай үөрэх тэрилтэлэригэр докумуоннары ылыы түмүктэнэр», – диэн вице-премьер Георгий Степанов бэс ыйын 9 күнүгэр брифиҥҥэ санатта.

Вице-премьер этэринэн, анал байыаннай дьайыы кыттыылаахтарыгар уонна кинилэр дьиэ кэргэттэрин чилиэннэригэр бэс ыйын 9 күнүнээҕи туругунан 185 ыал олорор дьиэтин гааһынан хааччыйбыттар. 673 төрөппүт санаторнай-курортнай эмтэниини ааспыт.