Хаартыска: СИА
От ыйын 5 күнүгэр брифиҥҥэ Саха сирин үөрэххэ уонна наукаҕа миниистирэ Ирина Любимова байыаннай дьайыы кыттыылааҕа статустаах үрдүк үөрэх устудьуоннарыгар уонна байыастар устудьуон оҕолоругар федеральнай өйөбүл көрүҥнэрэ эбии киирбиттэрин туһунан иһитиннэрдэ.
“Бу анал истипиэндьийэлэр, материальнай көмө, төлөбүрдээх бырагыраамаларга үөрэх сыанатын аччатыы, уопсайга миэстэнэн хааччыйыы”, — диэтэ Ирина Любимова.
Байыаннай дьайыы кыттыылаахтарын уонна дьиэ кэргэттэрин чилиэннэрин кытта техникумнарга, кэллиэстэргэ уонна үрдүк үөрэхтэргэ киирэргэ тус сыаллаах дуогабардары түһэрсэллэр.
“Эпэрээссийэ кыттыылаахтара уонна кинилэр дьиэ кэргэттэрэ чэпчэтиинэн туһанан, туспа кубуотанан РФ үрдүк үөрэҕин кыһаларыгар киириэхтэрин сөп – бэлэмнэнии хас биирдии хайысхатыгар бүддьүөт миэстэтиттэн 10% итэҕэһэ суох көрүллэр. Бааллара тэҥнэстэҕинэ, киирэргэ кинилэргэ ордук суолта бэриллэр”, — диэтэ миниистир.
Бу кубуота чэрчитинэн РФ Дьоруойдара уонна кинилэр оҕолоро; Хорсун быһыы үс уордьаннаахтар уонна кинилэр оҕолоро; төрөппүтэ өлбүт эбэтэр эмсэҕэлээбит оҕолор тургутуга суох киирэр кыахтаахтар (айар эбэтэр анал идэ хайысхатыттан уратыларга).
Күн бүгүн 388 үрдүк уонна орто үөрэх кыһаларын устудьуоннарыгар төрөппүтэ (сокуоннай бэрэстэбиитэлэ) байыаннай дьайыыга сылдьар кэмигэр 5706 солк. кээмэйдээх үрдүк истипиэндьийэ төлөнөр.
Ону таһынан, байыаннай дьайыы кыттыылаахтара оҕолорун босхо оскуола иннинээҕи тэрилтэлэргэ сырытыннараллар. Сайыҥҥы кэмҥэ 1071 дьуһуурунай бөлөххө кинилэр оҕолоро быһа ылыллан сылдьаллар.
Бүгүн байыаннай дьайыы кыттыылааҕын 1800 оҕото сайыҥҥы лааҕырдарга сылдьар. Лааҕырга “Мои документы” нөҥүө суруйтараллар. 8 800 550 14 21 нүөмэринэн оҕолору сынньатыыга өрөспүүбүлүкэтээҕи ресурснай кииҥҥэ эрийиэххэ сөп.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…