Хаартыска: СӨ бырабыыталыстыбатын, Ил Дархан дьаһалтатын пресс-сулууспата.
Кулун тутар 10 күнүгэр, бээтинсэҕэ, Дьокуускай аэропуордугар быстах хомуурга ыҥырыллыбыт тоҕус байыас дьиэлэригэр сынньана, уоппускаҕа көтөн кэллилэр.
Кинилэри тыа хаһаайыстыбатын миниистирэ Александр Атласов, норуот дьокутаата, «Сахаэнерго» дириэктэрэ Гаврил Алексеев, “Аҕалар лигалара” толорооччу дириэктэрэ Петр Черкашин, Горнай улууһун биир дойдулаахтарын түмсүүтүн бэрэссэдээтэлэ Надежда Фёдорова көрүстүлэр.
Биир Горнайтан төрүттээх байыаһы иллээх улахан дьиэ кэргэнэ – кэргэнэ уонна алта оҕото сибэккилээх, саарыктаах үөрэ көрүстүлэр.
— Элбэх оҕолоохпун билэн баран, байыаннай чааска дьиэбэр төннөрбөр эппиттэрэ. Ол эрээри, мин аккаастаммытым. Маннык уустук кэмҥэ дойдубут көҥүл буоларын туһугар, бэйэм кылааппын киллэриэхпин баҕарабын. Уоппуска кэнниттэн төттөрү барарбын былаанныыбын, — диэн этэр.
Салайааччылар хас биирдии байыаска Ил Дархан аатыттан саха быһаҕын туттардылар, эр санааларын иһин махталларын биллэрдилэр.
Гаврил Алексеев Саха сирин олохтоохторо байыаннай дьайыыга хорсуннук киирсэ сылдьар биир дойдулаахтарынан киэн тутталларын туһунан эттэ уонна дьиэлэригэр чугас дьоннорун кытта үчүгэйдик сынньаналларыгар баҕарда.
Уопсастыбанньык Петр Черкашин өрөспүүбүлүкэҕэ олохтоммут байыаннай сулууспалаахтар реабилитацияларын систиэмэтин туһунан кэпсээтэ.
Оттон байыастар өрөспүүбүлүкэ салалтатыгар, биир дойдулаахтарыгар көмөлөрүн, өйөбүллэрин иһин махтаннылар.
Ил Дархан, бырабыыталыстыба дьаһалтатын пресс-сулууспата.
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…
Бүгүн, ыам ыйын 11 күнүгэр, 14.57 ч. Мэҥэ Хаҥалас улууһуттан ЕДДС дьуһуурунайыттан Мэҥэ Хаҥалас улууһун…