СИА хаартыската
Дьокуускайга байыаннай дьайыы кыттыылаахтарын үлэни хайдах көрдүүргэ үөрэттилэр. Нэһилиэнньэ дьарыктаах буолуутун управлениета — «Мин үлэм» офис тэрийдэ.
—Үлэ көрдөөһүн — бу көннөрү буолбатах. Бу үгүс киһиэхэ олоҕун биир сүрүн кэрдииһинэн буолар. Маныаха бу сөптөөх үлэ миэстэтин булуу эрэ буолбакка, кини идэтин баһылыырыгар, дьоҕурун, сатабылын көрдөрөрүгэр, үлэтин-хамнаһын оҥосторугар кыаҕы биэрэр, — диэн управление исписэлииһэ Татьяна Зайцева бэлиэтиир.
Көрсүһүүгэ үлэни көрдүүргэ SMART технологиятын оруолун дьүүллэстилэр. Бу модель (СМАРТ) үлэ көрдөөһүнүн балачча тупсарыан сөп. Байыаннай дьайыы кыттыылаахтара үлэни хайдах көрдүүргэ туһалаах ньымалары биллилэр.
«Маны таһынан үлэ биэрээччилэри кытта сибээстэһии ньымаларыгар улахан болҕомто уурулунна. Үлэ биэрээччилэри кытта көдьүүстээхтик бииргэ үлэлээһин биир тутаах хайысханан буолар», — диир Татьяна Зайцева.
Кини бырагыраамаҕа кэпсэтэргэ ураты болҕомто ууруллубутун этэр. Бу үлэ көрдүүргэ биир тутаах түһүмэх буоларын бэлиэтиир. Манна кыттыбыттар бэйэни билиһиннэрэргэ, ыйытыыларга хоруйдуурга, ситиһиилэрин сырлдатарга сүбэ-ама ылбыттар. Итинник бэлэмнэнии үлэҕэ киирэргэ уонна баҕарбыт дуоһунастарын ыларга көмөлөһөрүн, байыаннай дьайыы кыттыылаахтарыгар наадатын көрсүһүүнү тэрийээччилэр бэлиэтииллэр.
Санаттахха, сыл саҕаланыаҕыттан нэһилиэнньэ дьарыктаах буолуутун сулууспатыгар үлэ көрдөөн 319 байыас уонна кинилэр чугас дьонноро сылдьыбыттар. Уопсайа 50 байыас уонна кинилэр дьиэ кэргэттэриттэн 38 киһи үлэ булбуттар. Маны сэргэ, сайыҥҥы сынньалаҥ кэмигэр 103 оҕо быстах кэмнээх үлэнэн хааччыллыбыт, 32 киһи үөрэнэр.
СӨ Ил Дарханын уонна Бырабыыталыстыбатын пресс-сулууспата
СИА хаартыската
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…