Хаартыска: sakha.gov.ru ылылынна
Саха сириттэн сылдьар байыастарга тирэх пууннарынан 1248 баһыылка тиэрдилиннэ. Бу туһунан Ил Дархан Айсен Николаев бэйэтин телеграм-ханаалыгар иһитиннэрэр.
Кини байыастарга көмөнү оҥоруу тиһиктээхтик салҕанарын бэлиэтээтэ. Эрэгийиэн тирэх пууннара өрөбүлэ суох күн ахсын үлэлииллэр, бойобуой дьайыы сиригэр-уотугар байыастарга көмө-өйөбүл оҥоһулла турар.
—Биир дойдулаахтарбыт байыастары өйүүргэ уонна кинилэргэ төрөөбүт дойдуларын сылаас салгыныттан тиэрдэргэ туох баар кыаллары барытын уураллар. Иэримэ дьиэҕиттэн баһыылка тиийэрэ — бу көннөрү мал-сал тиийиитэ буолбатах, бу кинилэри таптыылларын уонна дьиэлэригэр күүтэллэрин бэлиэтэ, — диэн Айсен Николаев суруйар.
2025 сыл саҕаланыаҕыттан 402-тэ тиийэ сылдьыбыттар. Байыаннай чаастарга 37 көлө бэриллибит. Өрөспүүбүлүкэтээҕи мэхээнньиктэр бөлөхтөрүн көмөтүнэн, 104 байыаннай тиэхиньикэ чөлүгэр түһэриллибит. Эрэгийиэн баһылыга бу дойдуларын туһугар эппиэтинэстээх уонна бэриниилээх дьон судургута суох усулуобуйаҕа үлэлииллэрин, кыһамньыларын түмүгэ буоларын бэлиэтиир.
— Бу Кыайыы туһугар тугунан да кэмнэммэт кылаат. Дьоһуннаах үлэҕэ кыттааччыларга барыларыгар ис сүрэхпиттэн махтанабын. Саха сирэ киэн туттар, — диэн Айсен Николаев бэлиэтиир.
Сиһилии: https://www.sakha.gov.ru/news/5896
СӨ Ил Дарханын уонна Бырабыыталыстыбатын пресс-сулууспата
Индигиир өрүс алдьатыылаах халаанын кэнниттэн Өймөкөөн улууһун нэһилиэктэригэр чөлүгэр түһэрии үлэтэ тэтимнээхтик бара турар. Улууска…
Экологическай куттал суох буолуутун уонна айылҕа баайын харыстыыр сыаллаах Мэҥэ Хаҥалас улууһун «Тамма» ураты харыстанар…
Сарсыҥҥыттан, атырдьах ыйын 1 күнүттэн, Арассыыйаҕа сорох дьон биэнсийэтэ үрдүөҕэ, оонньуурдарга уонна үрүсээктэргэ саҥа ыстандаартар…
Бүгүн Нам улууһунааҕы тыа хаһаайыстыбатын управлениетын начаалынньыга Владимир Макаров салайыытынан халаан уутуттан улаханнык эмсэҕэлээбит Өймөкөөн…
Бөлүүн Арассыыйа эрэгийиэннэригэр салгын оборуонатын күүстэрэ Украина 32 дронун эспиттэрин туһунан РФ Оборуонаҕа министиэристибэтэ иһитиннэрэр…
Анал байыаннай дьайыыга Саха сирин олохтоохторун волонтердарын көмөтө уҕараабат. Бааһырбыт байыастарга анаан “Саха волонтердара. Дьокуускай”…