Байыастарга 150 аадырыстаах баһыылка тиэрдилиннэ

Саха сирин тирэх пууннарын үлэһиттэрэ нэдиэлэ устата 18 сырыыны оҥордулар. Ол түмүгэр Саха сириттэн сылдьар байыастарга дьонноро, доҕотторо ыыппыт 150 аадырыстаах баһыылкалара тиэрдилиннэ.

Бу туһунан тирэх пууннар сүрүннээччилэрэ «Юстас» иһитиннэрдэ.

—Нэдиэлэ иһигэр өрөмүөннүүр бөлөх «Восток» бөлөх биригээдэлэригэр уонна батальоннарыгар биэс «Якт-Сокол» квадроциклы оҥорон биэрдэ. Мэхээнньиктэр билигин өссө биэс тиэхиньикэни өрөмүөннүү сылдьаллар, — диэтэ кини.

Маны таһынан, Саха сирин тирэх пууннара Ньурба улууһуттан уонна «ДоброVольцы» уопсастыбаннай түмсүүттэн гуманитарнай көмөнү оҥоро кэлбит дэлэгээссийэлэри арыаллаатылар.

«Юстас» иһитиннэрбитинэн, бу нэдиэлэҕэ байыаннайдарга Донбасска көмөлөһөр Хотугулуу-Илиҥҥи пуондаттан уо.д.а. сирдэртэн аҕалыллыбыт хас да пилота суох көтөр аппарааттар, квадроцикллар туттарыллыбыттар.

Сиһилии: https://www.sakha.gov.ru/news/11295

СӨ Ил Дарханын уонна Бырабыыталыстыбатын пресс-сулууспата