Байыастарга 50 тахса квадроциклы тиэртилэр

Байыаннай эпэрээссийэҕэ сылдьар байыастарга Донецкайга тэриллибит Саха сирин тирэх пуунун үлэһиттэрэ 50 тахса «Сокол» квадроциклы тиэртилэр. Бу туһунан нэдиэлэтээҕи брифиҥҥэ тирэх пуун бэрэстэбиитэлэ иһитиннэрдэ. 

Тиэхиньикэ барыта сэбилэниигэ ылылыннылар уонна үлэҕэ киллэрилиннилэр. Эбии атын тэриллэринэн, байыаннай таҥаһынан-сабынан хааччыйыы салҕанар.

«Ону сэргэ, сотору кэминэн биһиги Дьокуускайдааҕы хочуол собуотугар оҥоһуллубут оһохтору уо.д.а күһүҥҥү кэмҥэ туттуллар тэриллэри тиксэриэхпит. Байыаннай сулууспалаахтартан сайаапка хомуллубута», — диэн пуун бэрэстэбиитэлэ бэлиэтээтэ.