Хаартыска: Эдэр литератордар сүбэлэрэ.
Арассыыйаҕа Аҕа дойдуну көмүскээччи, Саха Өрөспүүбүлүкэтигэр Ийэ дойдуну көмүскээччи, Улуу Кыайыы 80, Саха суругунан литературата төрүттэммитэ 125 сылларын чэрчитинэн, байыаннай дьайыыга сылдьар хорсун-хоодуот саллааттарга аналлаах «Ый толбоно уонна мин саһарҕам» диэн хоһоон айыытын I өрөспүүбүлүкэтээҕи аһаҕас күрэһэ ыытыллар.
Күрэһи Саха сирин суруйааччыларын Сойууһун иһинэн үлэлиир Эдэр литератордар сүбэлэрэ тэрийэн ыытар.
История хоһуун өйдөбүллэрин кэрэһилиир, Ийэ дойдуну көмүскээччилэр хорсун быһыыларын, өлбөт-сүппэт дьоруойдар ааттарын үйэтитэр уонна харыстыыр сыалтан, Эдэр литератордар сүбэлэрэ «Ый толбоно уонна мин саһарҕам» хоһоон айыытын күрэһин ыытар. Күрэс Эдэр литератордар сүбэлэрин чилиэнэ, поэт, байыаннай дьайыы кыттыылааҕа Василий Рожин сырдык кэриэһигэр ананар.
Күрэс сыала — хоһоон нөҥүө биһиги кэммит дьоруойдарын туһунан сырдатыы, тарҕатыы, үтүө өйдөбүлү үөскэтии. Маны тэҥэ, байыаннай дьайыы туһунан этэр-тыынар кыаҕы биэрэр, саллаат уобараһын тиэрдэр, арыйар, талааннаах, айар дьоҕурдаах дьону булар, көҕүлүүр соруктаах.
Күрэскэ эдэр ыччат уонна улахан дьон кыттыыны ылаллар. 18-35 саастаахтарга уонна 36 үөһээ саастаах дьоҥҥо бөлөҕүнэн араараллар. Хас биирдии бөлөххө кыайыылаах быһаарыллыаҕа. Киирбит үлэ тыла-өһө хомоҕой, литературнай нуормаҕа эппиэттиир буолуохтаах, хас биирдии кыттааччы ыыппыт үлэтин бэйэтэ суруйбутун туоһулуур.
Күрэс 2025 сыл муус устар 8 күнүттэн муус устар 26 күнүгэр диэри ыытыллар. Хас биирдии кыттааччыттан 200 солк. усунуос ирдэнэр.
Күрэскэ сайаапканы уонна үлэлэргитин ыам ыйын 17 күнүгэр диэри бу ыйыллыбыт электроннай почтаҕа ыытаҕыт: sml-yakutia@mail.ru.
Ыытар матырыйаалларга ирдэбиллэр:
Күрэскэ бэйэ тус эрэ айымньыта кыттыыны ылар. Хоһоон сахалыы эбэтэр нууччалыы тылынан суруллубут буолуон сөп. Кээмэйэ: 8-32 диэри рифмалаах хоһоон строката.
Дьүүллүүр сүбэ күрэс тиэмэтин тутуһууну, хоһоон композициятын, истиилин уонна тылы сөпкө туһаныыны, хоһоон тэтимин, кээмэйин, рифматын сыаналыаҕа. Түмүгү 2025 сыл ыам ыйын 26 күнүгэр таһаарыа.
Күрэс кыайыылаахтара бастакы 1 (бастакы), 2 (иккис), уонна 3 (үһүс) бочуоттаах миэстэлэри ылыахтара, анал ааттарынан, дипломнарынан наҕараадаланыахтара. Үс бастакы миэстэҕэ киирбэтэх кыттааччылар кыттыыны ылбыттарын туһунан электроннай туоһу сурук тутуохтара.
Билсэр төл.: +7 (961) 867 05 46.
Кыттааччы сайаапката
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…