Хаартыска: ЯСИА
СӨ Тыатын хаһаайыстыбатын министиэристибэтигэр бүгүҥҥүттэн тыа хаһаайыстыбатын эйгэтигэр бэйэлэрин дьыалаларын саҕалыыры былаанныыр байыаннай дьайыы кыттыылаахтарыгар өйөбүл миэрэтэ буолар «Агромотиватор» федеральнай граҥҥа докумуоннары тутуу саҕаланна.
2025 сылга граны олоххо киллэриигэ 9 мөл. тахса солкуобай тыырыллыбыта. Үп-харчы куонкурус ирдэбилинэн биисинэс-былааны уонна үп-харчы сыаллаахтык туһаныллыбытын туһунан отчуоту булгуччулаахтык көрдөрүүгэ олоҕуран бэриллэр. Биирдиилээн ылааччыга бэриллэр грант кээмэйэ, бырайыагы олоххо киллэриигэ ананар бэйэтин үбүн кээмэйин учуоттаан, бырайыактары сүүмэрдиир хамыыһыйа быһаарыытынан олохтонор.
Докумуоннары тутуу сэтинньи 20 күнүттэн ахсынньы 20 күнүгэр диэри «Электронный бюджет» систиэмэҕэ электроннай ньыманан ыытыллар. Түмүктэр ахсынньы 21-22 күннэригэр биллиэхтэрэ.
Санатан эттэххэ, байыаннай дьайыы бэтэрээннэригэр уонна кыттыылаахтарыгар тыа хаһаайыстыбатын эйгэтигэр бэйэлэрин дьыалаларын арыйыыларыгар федеральнай бүддьүөттэн үп-харчы көрүммүт 19 эрэгийиэн иһигэр киирбитэ. Бирикээстэр уонна докумуоннар СӨ Тыатын хаһаайыстыбатын уонна ас-үөл бэлиитикэтин министиэристибэтин саайтыгар көрүөххэ сөп: https://minsel.sakha.gov.ru/agromotivator
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…