Байыастарга анаммыт «Обещай не сломаться» диэн саҥа килиип сүрэхтэниэ

Аҕа дойду буойуннарын дьиэ кэргэттэрин кэмитиэтэ уонна «Жены Героев» бырайыага ытык иэстэрин толорор байыастарга аналлаах ырыа килиибигэр уонна ырыа уһуллуутугар кытыннылар.

Муус устар 21 күнүгэр сыыппара былаһааккаларынан «Алдан» уус-уран киинэ тэрийбит «Катюша» бөлөҕүн «Обещай не сломаться» диэн килиип премьерата буолуоҕа.

Килиип «Жены Героев» диэн бырайыак кыттыылаахтарын, Джеффа Монсону, «Лилиум ырыатын тыйаатырар» оҕо хорун уонна «Интеграция» продюсерскай киинин көмөтүнэн Мия Тарлецкайы түмэр.

«Бу бырайыак — байыастары өйүүр биһиги сүрүн кылааппыт. Муусуканан уонна хартыынанан биһиги биир сомоҕо буоларга уонна уустук тургутууну ааһарга көмөлөһөбүт», — диир килиип режиссера, «Алдан» киинэ генеральнай продюсера Данила Куликов.

«Обещай не сломаться» трегы анал байыаннай дьайыы зонатыгар үлэлээбит Наной Хатл бөлөх солисткатынан суруллубут. Ырыа анал байыаннай дьайыы кыттыылаахтарыгар, ытык иэстэрин толорооччу байыастарга ананар.

«Билигин өй-санаа,сиэр- майгы өттүнэн ураты болҕомто уурар кэм кэллэ. Дьон-сэргэ байыастарбыт эйэлээх олох туһугар кыһаллалларын өйдүөх тустаахпыт. Бу киинэ биһиги буойуннарбыт  күүстэрин, саамай уустук балаһыанньаҕа булгуруйбаттарын туһунан кэпсиир», -диэн «Жены Героев» бырайыагы тэрийээччи Елена Чеснокова эттэ.