Хаартыска: sakha.gov.ru ылылынна
#БАРЫБИИРГЭ өрөспүүбүлүкэтээҕи ыстаапка байыастарга көмөлөһөр соруктаах Аҕа дойдуну көмүскээччи күнүн көрсө бэлэхтэри хомуйаллар. Бу туһунан ыстаабы салайар Айыллаан Винокуров эттэ.
«Бу бырааһынньыктааҕы аахсыйа өссө төгүл биһиги түмсүүлээхпитин көрдөрүө уонна байыастарбытыгар санааларын бөҕөргөтүө. Маны таһынан, волонтердар улуустарга байыаннай дьайыы кыттыылаахтарыттан уонна кинилэр дьонноруттан сайаапкалары ылаллар уонна көмөлөһөллөр. Бу үлэ тиһиктээхтик салҕанар. Ыйытыылаахтар 122 нүөмэргэ эбии «6» кунуопаканы баттаан (үлэ чааһа күннэтэ сарсыарда 09 ч.-18.00 ч. диэри) эрийиэхтэрин сөп. «, — диир кини.
Гуманитарнай көмөнү уонна аадырыстаах баһыылкалары пууҥҥа маннык аадырыска аҕалан туттараҕыт: Дьокуускай, Бестужев-Марлинскай уул. 5 (ДОСААФ).
Ил Дархан Айсен Николаев Ил Түмэҥҥэ Анал этиитигэр байыаннай дьайыы кыттыылаахтарыгар уонна кинилэр дьиэ кэргэттэригэр уопсастыбанньыктар көмөлөрүн бэлиэтээбитэ. Байыаннай эпэрээссийэ саҕаланыаҕыттан өрөспүүбүлүкэ волонтердара байыаннай дьайыы буола турар сиригэр 120 туоннаттан тахса гуманитарнай көмөнү хомуйан ыыппыттар, байыастарга 2300 аадырыстаах баһыылкалар тиэрдиллибиттэр. #БАРЫБИИРГЭ көхтөөх кыттааччылара 2024 сылга байыаннай сулууспалаахтар дьонноруттан киирбит биэс тыһыынчаттан тахса сайаапканы толорбуттар.
СӨ Ил Дарханын уонна Бырабыыталыстыбатын пресс-сулууспата
Ааһан эрэр сыл ахсынньы 18 күнүгэр "Ника" банкеттыыр саалаҕа "Ситим" өрөспүүбүлүкэ көҥүл суруйааччыларын сойууһун уопсастыбаннай…
Ийэ айылҕабыт бэйэтэ анаан үүннэрэр эмтээх отун-маһын көдьүүстээхтик туһаныы билиҥҥи кэмҥэ ордук суолталанна. Бүгүн ааҕааччыларбытыгар…
Уус Алдаҥҥа Бэрт Ууһугар (баһылык И.П.Ильин) нэһилиэккэ дьоҥҥо-сэргэҕэ тиэйэргэ диэн анаан муус ылан бэлэмнээн кэбиһэр үтүө үгэстээхтэр.…
81 сыл буолан баран, эһээтин уҥуоҕун булбут байыас Валерий Петровка байыаннай сулууспа диэн тус…
Бүгүн субуота, сынньалаҥ үтүө күнэ. Ыксаабакка, сүүрбэккэ-көппөккө, дуоһуйа сынньаныҥ. Чугас дьоҥҥут аттыгар буолуҥ, сүрэххит этэрин…
Бу күннэргэ күн-дьыл туруга хайдаҕый? Соҕуруулуу-арҕаа, илин улуустарга, Халымаҕа, Өймөкөөҥҥө кыра хаардаах буолара күүтүллэр. Арктика…