Байыастарга, дьиэ кэргэттэригэр 351 сир учаастага бэрилиннэ

Алтынньы саҥатынааҕы туругунан, өрөспүүбүлүкэҕэ байыаннай эпэрээссийэлэр кыттыылаахтарыгар уонна байыаннай сулууспалаахтар дьиэ кэргэттэригэр 651 сир учаастага бэрилиннэ, ол иһигэр бойобуой дьайыы  бэтэрээннэригэр — 572 сир учаастага.

Бу туһунан өрөспүүбүлүкэ баайга-дуолга уонна сир сыһыаннаһыыларыгар миниистирэ Павел Багынанов «Былаас уорганнарын кытта кэпсэтии» биэриигэ эттэ. Бу үлэ өрөспүүбүлүкэҕэ Ил Дархан Айсен Николаев ыйааҕынан  ыытыллар.

Холобур, өрөспүүбүлүкэҕэ байыаннай дьайыылар кыттааччылара, байыаннай сулууспалаахтар дьиэ кэргэттэрэ, ол иһигэр анал байыаннай дьайыы кэмигэр  өлбүттэр кэргэттэрэ уонна төрөппүттэрэ босхо сир учаастагын ылар бырааптаахтар.

Бу быраап байыаннай дьайыы кыттыылаахтарын 18 саастарын туола илик оҕолоругар, эбэтэр 18 саастарын туола иликтэринэ инбэлиит буолбут , сокуоннай саастарын сиппит оҕолоругар эмиэ бэриллэр.

«Ону таһынан үөрэх кыһаларыгар күнүскү үөрэххэ үөрэнэ сылдьар байыаннай дьайыы кыттыылаахтарын оҕолоро 25 саастарын туолуохтарыгар диэри, ылар  бырааптаахтар», — диэн быһаарда Павел Багынанов.

Сиһилии: https://www.sakha.gov.ru/news/14732