Байыастарга өссө алта устуука «Сокол» квадроциклы ыыттылар

Байыаннай дьайыы буола турар сиригэр Саха сиригэр оҥоһуллубут алта устуука «Сокол» квадроциклы ыыттылар. Бу туһунан Ил Дархан Айсен Николаев телеграмм-ханаалыгар иһитиннэрдэ. 

«Биһиги байыаннай сулууспалаахтарбытыгар «Сокол» диэн прицептаах квадроцикл саҥа баартыйатын ыыттыбыт. Алта квадроцикл Ростов-на-Дону тирэх пуунугар тиийиэҕэ, онтон байыастарга тиксэриллиэҕэ», – диэн Айсен Николаев суруйда.

Ону тэҥэ, таһаҕаска өрөспүүбүлүкэ тэрилтэлэриттэн тиэхиньикэлэр, «Саха сирэ эйигин кытта!» уопсастыбаннай хамсааһын хомуйбут баһыылкалара бааллар.

«Байыаннай дьайыыга кытта сылдьар байыаннай сулууспалаахтарбытыгар кыайыы туһугар көмөнү оҥоруу салҕанар», – диэн Ил Дархан бэлиэтээтэ.