Байыастарга халыҥ таҥаһы хомуйуу сэтинньи бүтүөр диэри салҕанар

Бу туһунан бүгүн  #МЫВМЕСТЕ эрэгийиэннээҕи салаатын салайар Айыллаан Винокуров эттэ. 

«Ыстаап халыҥ таҥаһы-сабы, наадалаах малы-салы уонна эми-тому хомуйар», — диэн этэр кини. «Сылаас күһүн» аахсыйаҕа ким баҕарар кыттыан сөп, ол иһигэр тэрилтэлэр, түмсүүлэр эмиэ. Малы-салы, таҥаһы-сабы маннык аадырыска аҕалаҕыт: Дьокуускай, Бестужев-Марлинскай уул. 5 (ДОСААФ). Пуун үлэ күннэригэр 09:00-19:00 ч. диэри үлэлиир.

«Биһиги волонтердарбыт сайаапка киириитинэн көрөн күн ахсын байыастар дьиэ кэргэттэригэр эмиэ көмөлөһөллөр», — диир кини. Байыастар чугас дьонноро сайаапкаларын хаалларалларыгар 122 нүөмэргэ (эбии «6» кунуопка) эрийэллэр.

СӨ Ил Дарханын уонна Бырабыыталыстыбатын пресс-сулууспата