Хаартыска sakha.gov.ru ылылынна
Норуот сомоҕолоһуутун күнүгэр Саха сириттэн сылдьар байыастар «Хоту-Ас» хампаанньа аһын-үөлүн туттулар. Бу туһунан тирэх пууннар сүрүн координатора Юстас иһитиннэрдэ.
Маны сэргэ, ДНӨ, ЛНӨ бу күннэргэ тирэх пууннартан байыастарга массыыналар, матасыыкыллар, квадроцикллар, сибээс сириэстибэлэрэ, халыҥ таҥастар, аптечкалар тиэрдилиннилэр.
«Байыаннай дьайыы сиригэр-уотугар Мэҥэ Хаҥалас, Өлөөн, Нерюнгри улуустарын дэлэгээссийэлэрэ ситиһиилээхтик үлэлээтилэр. Донецкай, Запорожье, Луганскай, Курскай уобаластарга байыаннай сулууспалаахтарга сыаналаах тэриллэр тиэрдилиннилэр. Тымныы буолан эрэринэн, байыастарга электрогенератордары, сылаас таҥастары биэрдилэр. СӨ Ил Дарханын сорудаҕынпан хас да биригээдэ уонна куорпус «Якт-Сокол» квадроцикллары туттулар», — диир Юстас.
Сүрүн координатор этэринэн, Саха сирин тирэх пууннара байыаннай дьайыы сиригэр-уотугар Арассыыйа сэбилэниилээх күүстэрин кытта хардарыта сибээһи ыкса туталлар.
«Бу күннэргэ фашизмы утары өрөспүүбүлүкэтээҕи II пуорумҥа Илиҥҥи байыаннай уокурук хамандыырын байыаннай-бэлитиичэскэй үлэҕэ солбуйааччы, генерал Роман Греков кыттыыны ылар. Кини Саха сирин байыастарыгар эбии көмө оҥоһулларыгар улахан болҕомтотун уурар. Генерал-лейтенант Роман Греков Дьокуускайга үлэтинэн сырыыта биһиги биир сомоҕо буолуубутун, армия Саха сирин кытары ыкса сибээһи тутарын өссө биир туоһутунан буолар», — диэн бэлиэтиир Юстас.
СӨ Ил Дарханын уонна Бырабыыталыстыбатын пресс-сулууспата
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…