Байыастарга идэ ылалларыгар көмөлөһөллөр

Саха сиригэр 2025 сылга байыаннай дьайыы 30 кыттыылааҕа уонна кинилэр дьиэ кэргэттэрин 8 чилиэнэ эбии идэ ылаары үөрэх тэрилтэтигэр киирдилэр диэн судаарыстыбаннай дьарыктаах буолуу кэмитиэтэ иһитиннэрэр.

Өрөспүүбүлүкэтээҕи дьарыктаах буолуу кэмитиэтэ иһитиннэрбитинэн,  байыаннай дьайыы кыттыылаахтара уонна кинилэр дьиэ кэргэттэрэ хайа оробуочайа, компрессор тэриллэрин оператора, харабыл, о.д.а. идэлэри ылан эрэллэр.

Судаарыстыбаннай кэмитиэт сыл саҕаланыаҕыттан  байыаннай дьайыы 64 кыттыылааҕа уонна кинилэр дьиэ кэргэттэриттэн 166 киһи үлэҕэ киирбиттэрин бэлиэтээтэ.  62 байыаска уонна кинилэр дьиэ кэргэттэриттэн 51 киһиэхэ идэни таларга көмөлөһөр  сүбэлэри биэрбиттэр. 8 бойобуой бэтэрээҥҥэ уонна кинилэр дьиэ кэргэттэриттэн 11 киһиэхэ биисинэс тэринэллэригэр көмө оҥоһулунна.

Дьарыктаах буолуу кииннэрэ үлэ биэрээччилэри, ол иһигэр биисинэс бэрэстэбиитэллэрин уонна улахан бырамыысыланнай тэрилтэлэри кытта үлэлэһэллэр, байыаннай дьайыы кыттыылаахтарыгар уонна кинилэр дьиэ кэргэттэригэр үлэ дьаарбаҥкаларын ыыталлар.

«В кругу СВОих»  аахсыйа соторутааҕыта бары улуустааҕы дьарыктаах буолуу кииннэригэр тэрилиннэ. Тэрээһиҥҥэ 229 киһи кытынна, ол иһигэр байыаннай дьайыы 80 кыттааччыта, 112 дьиэ кэргэн чилиэнэ, 62 үлэни биэрээччи. Тэрээһин түмүгүнэн тоҕус киһи  үлэҕэ киирдэ.

Сиһилии манна аах.