Хаартыска sakha.gov.ru ылылынна
Кэлим сүрүннүүр киин тирэх пууннарын бэрэстэбиитэллэрин кытта Андрей Федотов көрсөн кэпсэттэ.
Кэлим сүрүннүүр киини салайар, РФ бэрэсидьиэнигэр Саха сирин бастайааннай бэрэстэбиитэлэ Андрей Федотов тирэх пууннар бэрэстэбиитэллэрин кытта байыаннай дьайыы зонатыгар байыаннай сулууспалаахтары өйүүргэ тирээн турар боппуруостары дьүүллэстэ. Кини сүрүннүүр киин саамай наадыйар хайысхаларга сүрүн болҕомтотун уурарын бэлиэтээтэ.
Байыаннай чаастарга хардарыта сибээһи тутан, хайысхаларынан үлэ ыытыллыаҕа диэн бэлиэтэнэр. Бастатан туран, өрөспүүбүлүкэттэн «Сокол» квадроцикл, «Хоту Тент» анаан оҥоробут матырыйаала, «Саха дрон» хампаанньа пилота суох көтөр тэрилэ ордук наада буолалларын ыйдылар. Маныаха кини байыастарга наадалаах квадрокоптердары, оптическай прибордары, электроннай уонна радиоэлектроннай тэриллэри тиэрдии салҕанарын бэлиэтиир.
Тирэх пууннар өссө биир сүрүн хайысхаларынан — байыастарга көмө-тирэх буолар, тус аадырыстаах баһыылкалары аҕалар өрөспүүбүлүкэ муниципалитеттарын уонна уопсастыбаннай тэрилтэлэрин дэлэгээссийэлэрин үлэлэригэр көмөлөһүү буолар. Тирэх пууннар үлэһиттэрэ тиийбит дэлэгээссийэлэри арыаллыыллар, куттал суох буолуутун хааччыйаллар.
Сиһилии https://www.sakha.gov.ru/news/front/view/id/3388027 манна көрүөххэ сөп.
СӨ Ил Дарханын уонна бырабыыталыстыбатын пресс-сулууспата
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…
Саха сирин киин улуустарын олохтоохторо чаҕылхай күннээх «дьахтар сайыныгар» астына сырыттахтарына, өрөспүүбүлүкэ сорох улуустарыгар маҥнайгы…
Өймөкөөн нэһилиэгэр айылҕа иэдээнигэр түбэспит олорор дьиэлэри чөлүгэр түһэриигэ Саха сирин үгүс улуустарыттан, Дьокуускайтан, араас…
Балаҕан ыйын 15 күнүгэр киэһэ хойут Ленскэйдээҕи быыһыыр-көрдүүр этэрээт быыһааччылара ойуурга муммут киһини буллулар. Киин…
Бүгүн, балаҕан ыйын 16 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…