Байыастарга көмөлөһөллөр
![](https://sakha-sire.ru/wp-content/uploads/2024/07/sar5-1-1060x596.jpg)
Буола турар байыаннай дьайыыга кыттыһа сылдьар дьоммутугар Аллайыаха олохтоохторо эмиэ харчынан көмөлөһөллөр. Киирбит харчынан таҥас, ас, эмп, араас бэйэни харыстыырга туттуллар тэриллэри булан, атыылаһан баһыылкалары бэлэмнээн, уолаттарга аадырыстарынан тиксэрэргэ куоракка Римма Моисеевна Бережнева уонна Сардана Николаевна Лебедева тирэх буолан, үлэ үөһүгэр сылдьаллар.
![](https://sakha-sire.ru/wp-content/uploads/2024/07/sar4-1-e1721099230195.jpg)
![](https://sakha-sire.ru/wp-content/uploads/2024/07/sar2-1-1.jpg)
![](https://sakha-sire.ru/wp-content/uploads/2024/07/sar3-1.jpg)
Римма Моисеевна Саха сириттэн сылдьар байыастарга барыларыгар даҕаны көмөтө улахан диэххэ сөп. Хабаровскайга баран байыаннай чаастарынан, госпиталларынан сылдьан гуманитарнай көмөҕө кыттыһан кэлбитэ. Билигин хахха буолар сиэккэлэри бэлэмнииргэ, дьону көҕүлээн, тэрийсэн, күннэтэ үлэлии сылдьар. Маны таһынан, ханнык баҕарар сиртэн сылдьар уолаттарбытыгар барыларыгар араас мунаахсыйар кыһалҕаларыгар сүбэлээн, туруорсан, улахан көмө буолар. Бэйэлэрин уолаттара эмиэ байыаннай дьайыы кыттыылаахтара буолаллар. Ол иһин даҕаны чугастык ылсыһан, араас дьону кытта алтыһан, барытын билсэн, өйдөтөн сүбэлээн билсэ сылдьаллара махталлаах. Римма Моисеевнаҕа уонна Сардана Николаевнаҕа төрөппүттэр улахан махталбытын тиэрдэбит.
Людмила Колесова, Аллайыаха улууһун Бөрөлөөх нэһилиэгин олохтооҕо
Сообщить об опечатке
Текст, который будет отправлен нашим редакторам: