Байыастарга көмөлөһөллөр

Түүлээх нэһилиэгин дьахталларын түмсүүтэ байыаннай дьайыы саҕаланыаҕыттан норуот айымньытын дьиэтигэр мустан, плащ-палаткалары, быа наһыылкалары, мал-сал угар мөһөөччүктэри, ис таҥастары, хаххалыыр сиэккэлэри бэлэмнээн, оҥорон көмөлөһөбүт.

Нэһилиэкпититтэн төрүттээх уолаттарбытыгар аадырыстаах көмө, биирдии бэйэлэригэр суорҕан, иккилии ыстаан тигэн ыыппыппыт. Онтон Д. Д.Оллонов аатынан оскуола иһинэн үлэлиир «Мастерица» куруһуокка сылдьар оҕолор, «Айаана» эдэр ийэлэр түмсүүлэрэ 165 харысхалы оҥорбуттара. Маны таһынан «Саха сирэ эйигин кытта» уопсастыбаннай хамсааһын ыҥырыытыгар кыттыһан, харчынан көмө оҥоһуллубута.

Быйылгы сылга киирэн баран,  бүгүҥҥү күнтэн 50 м. хаххалыыр сиэккэ оҥоруутун бары ылсан көхтөөхтүк саҕалаатыбыт.
Матырыйаалын ылыытыгар нэһилиэкпититтэн төрүттээхтэр, олохтоохтор харчынан кыттыспыттара, сиэккэҕэ илими В.З.Винокуров биэрэн көмөлөстө.

Туйаара Ушницкая,

Түүлээх, Уус Алдан.

Туйаара Ушницкая, Июлия Охлопкова хаартыскаларга түһэриилэрэ