Байыаннай дьайыы кытыылаахтарыгар көмө-тирэх, өйөбүл буолар санаалаах улууспут дьоно-сэргэтэ сомоҕолоһоллорун күннэтэ көрөбүт.
Улуустааҕы «Помощь волонтера бесценна» ыстаап көҕүлээһининэн, бу күннэргэ иис үлэтэ тиһиктээхтик ыытылла турар. Ол курдук, бэҕэһээ Өнөр нэһилиэгэр уйулҕа киинин улуустааҕы салаатын исписэлииһэ Таисия Базарова тиийэн иистэнэр массыыналарын көрөн-истэн, флис көстүүмү хайдах тигэргэ сүбэлээн-амалаан, быһааран биэрдэ. Баатаҕайга кыһыҥҥы хаххаланар сиэккэлэри өрөн саҕалаатылар уонна иистэрин салгыыллар. Оттон күн бүгүн улуустааҕы кииннэммит бибилэтиэкэ кэлэктиибэ ыстаапка кэлэн иискэ көмөлөстө. Тумуллар көмөлөһөргө бэлэмнэрин биллэрэн иистэнэргэ матырыйаалы, нэмиэти үлэһэн ыллардылар.
Ону тэҥэ, биирдиилэн дьон ис сүрэхтэриттэн көмөлөһөллөр. Ол курдук, байыас ийэтэ, үһүс сылын тэҥҥэ волонтердуу сылдьар Наталья Борисова арчылыырга, ыраастыырга анаан бэйэтэ оҥорбут балаҕанын бэлэх уунна. Уолаттар кэллэхтэринэ буруо таһааран ыраастаарыҥ диэн баҕа санаатын эттэ.
Ону таһынан ыстаап үлэһиттэрэ, чебурашка байыаннай дьайыыга тулуурдаах, дьулуурдаах буоларга көмөлөһөр уонна үтүө санаа символа буолбутунан оонньууру тигэргэ аахсыйа биллэрбиттэрэ. Маныаха Мүрү 2-с №-дээх орто оскуолатын 6-с кылааһын үөрэнээччилэрэ (кылаас салайааччыта Федора Бурнашева) байыастарга анаан туох баар кыһамньыларын ууран тигэллэр.
Саргылаана Никитина,
волонтердар ыстааптарын салайааччы,
Бороҕон, Уус Алдан.
Ааптар хаартыскаларга түһэриитэ
2022 сылтан 6,2 тыһыынча киһи социальнай хантараак көмөтүнэн 1,7 миллиард солкуобай суумалаах көмөнү ылла. Быйылгыттан…
Киһи барыта баттаҕа хойуу, үчүгэй туруктаах, көстүүлээх буолуон баҕарар. Онуоха кэмиттэн-кэмигэр араас мааскалары оҥостуохха сөп.…
Барыллаан көрүүнэн, сэтинньи 5 күнүгэр киэһэ 18 чаас саҕана, Михаил Николаев проспегын – Чернышевскай уулуссатын…
Уус Алдан улууһугар Найахыга "Көр-нар" бөлөх кыттыылааҕа С.И.Сивцев сырдык аатыгар аналлаах "Артыыс Стас" диэн ыытыллыбыт…
Дьокуускайга сэтинньи 5 күнүгэр 18.00 ч. диэки 1983 с.т. киһи "Тойота Королла Филдер" массыынанан айаннаан…
Нэһилиэктэри сайыннарыыга туһуламмыт олохтоох дьон көҕүлээһиннэринэн быһаарыллар саамай табыгастаах быраагыраама сыл аайы ыытыллар. Чурапчы улууһун…