Хаартыска: SakhaGov
Байыаннай дьайыы кыттыылаахтарын чэпчэтиилэрин саҥа эрэгийиэннэргэ үлэлиир исписэлиистэргэ биэрэр санаалаахтар. Судаарыстыбаннай Дуума тохсунньу 13 күнүгэр байыаннай дьайыылар бэтэрээннэригэр сылга 35 халандаарынай күҥҥэ диэри хамнаһа төлөммөт уоппусканы ылар кыаҕы биэрэр сокуон барылын бастакы ааҕыыга ылынна.
Сокуон барылын дакылаатчыттара, Судаарыстыбаннай Дуума Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин баһылыга Ярослав Нилов уонна ЫБММ баһылыгын солбуйааччыта — статс-сэкирэтээр Денис Попов этэринэн, көҕүлээһин бэтэрээннэр икки ардыларыгар биир тэҥ буолууну хааччыйар.
«Манна байыаннай дьайыыга быһаччы кыттыыта суох, сөптөөх соруктары толорорго байыаннай дьайыы зонатыгар ыытыллар гражданнар тустарынан этиллэр. Бу тутуу, ОДьКХ боппуруостарынан дьарыктанар, атын үлэлэри толорор исписэлиистэр алта ыйтан ордук кэмҥэ командировкаҕа сылдьан, РФ бырабыыталыстыбата быһаарар испииһэгэр киирэр ураты өҥөлөөх буоллахтарына, байыаннай дьайыылар бэтэрээнин статуһун ылалларыгар төрүөт буолар», — диэн Нилов быһаарда.
Дьокутаат бэлиэтээбитинэн, байыаннай дьайыыга быһаччы кыттар дьон 35 күҥҥэ эбии хамнаһа төлөммөт уоппусканы ылар бырааптаахтар. Оттон байыаннай дьайыыга командировкаҕа сылдьар исписэлиистэргэ тарҕаммат. «Кинилэр эмиэ 35 күҥҥэ диэри эбии хамнаһа төлөммөт уоппусканы ылар кыахтаналлар диэн пуун эбиллэр. Бу байыаннай дьайыылар бэтэрээннэрин бырааптарын тэҥниир.Сөптөөх көҕүлээһин парламенынан өйөннө», — диэн Нилов бэлиэтээтэ.
Сокуон барылын бырабыыталыстыба көҕүлээтэ. Судаарыстыбаннай Дуума тохсунньу 13 күнүгэр сааскы сессиятын бастакы пленарнай мунньаҕын ыытта. Сүрүн тиэмэлэртэн биирдэстэринэн бэтэрээннэри уонна кинилэр дьиэ кэргэттэрин өйөөһүн буолла. Ол курдук, дьокутааттар «Бэтэрээннэр тустарынан» Федеральнай сокуон 16-с ыстатыйатыгар уларытыылары киллэрии туһунан сокуон барылын бастакы ааҕыыга өйөөтүлэр. Докумуоҥҥа олоҕуран, бэтэрээннэр сорох категориялара сылга 35 халандаарынай күҥҥэ диэри хамнаһа төлөммөт уоппусканы ылар бырааптаныахтара.
Тохсунньу бастакы нэдиэлэлэригэр саҥа тимир көлө сыаналара ортотунан 1,5–3% үрдээтэ. Сыана үрдээһинэ НДС уонна утилизационнай…
Федеральнай нолуок сулууспатын (ФНС) Саха Сиринээҕи управлениета иһитиннэрэринэн, тохсунньу 1 күнүттэн декларацияны туттарар хампаанньа саҕаланна.…
ПЕРВЫЙ (+6) Понедельник, 19 января 05.00 Доброе утро 0+ 09.00, 12.00, 15.00, 18.00, 03.00 Новости…
Саха сирэ байыаннай дьайыы зонатыгар «Як-14» робот-платформалары ыытыаҕа. Бу үлэ «Патриотическай» ТОР федеральнай бырагырааматынан олоххо…
Удачнай куорат борокуратуурата дьахтар үҥсүүтүнэн бэрэбиэркэни ыытта. Силисэтийэҕэ быһаарыллыбытынан, сайабылыанньалаах бөлөх чаатыгар хаартыска таһаарбыт, онно…
Саха сирин сорох улуустарыгар бу нэдиэлэҕэ нуорматтан таһынан сылаас күн-дьыл буолара сабаҕаланар. Уус-Маайа улууһугар салгын…