Байыастарга нэдиэлэ иһигэр 188 баһыылка тиэрдилиннэ

Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы тиэртилэр.

Бу туһунан тирэх пууннар сүрүн координатордара «Юстас» итһитиннэрэр.

—Бу күннэргэ ДНӨ тирэх пууна Эдьигээн оройуонун дэлэгээссийэтин тырааныспарынан арыаллаата. Тирэх пуун мэхээнньиктэрин бөлөҕө «Сокол» квадроциклы оҥордулар, өссө аҕыс көлөнү өрөмүөннүүллэр, — диир кини.

«Юстас» иһитиннэрбитинэн, Саха сириттэн кэлбит уолаттар сулууспалыыр «Восток» уонна «Запад» бөлөхтөр подразделениеларыгар, массыына, тиэхиньикэҕэ саппаас чаастар, БПЛА, уо.д.а. бэриллибиттэр.

Сиһилии: https://www.sakha.gov.ru/news/7639

СӨ Ил Дарханын уонна Бырабыыталыстыбатын пресс-сулууспата