Хаартыска: СИА
Анал байыаннай дьайыы кыттыылаахтара санаторнай-курортнай эмтэниини уонна реабилитацияны ааһыы күнүн бэйэлэрэ талар кыахтаахтар. Кинилэргэ көтөр аалынан эбэтэр пуойаһынан, массыынанан айан төлөбүрүн толуйаллар.
Бу туһунан брифинг кэмигэр СӨ Социальнай пуонда отделын управляющайа Марина Герман иһитиннэрдэ. Анал байыаннай дьайыы кыттыылаахтара социальнай пуонда бары сулууспаларын нөҥүө санаторнай-курортнай эмтэниигэ сайабылыанньа биэрэн реабилитацияланы ааһыахтарын сөп. Кулун тутар ыйтан «Госуслуги» порталга электроннай көрүҥүнэн сайабылыанньа биэрэргэ кыах эмиэ баар буолбута.
Сайабылыанньа биэрээччи мэдиссиинэ докумуоннарын эбэтэр реабилитацияланарын туоһулуур докумуоннары биэриэхтээх. Реабилитация уһуна көрдөрүүттэн уонна сыл устата хас да төгүл оҥоһуллуон сөп. Санаторнай-курортнай эмтэнии 21 күн устата ыытыллар уонна ол өҥөнү сылга биирдэ туһаныахха сөп.
«Арассыыйа Дьоруойуон аатын ылбыт анал байыаннай дьайыы кыттыылаахтара эбэтэр инбэлииттэр уочарата суох бэрээдэгинэн эмтэнэр бырааптаахтар. Социальнай пуонда отделениета сайабалыанньаны икки үлэ күнүн устата көрүөҕэ уонна электроннай почтанан хайдах быһаарыы ылылыммытын ыытыаҕа. Байыастар бэйэлэрэ айанныыр кэмнэрин талаллар. Эмтэнии, олоруу төлөбүрдэрэ социальнай пуонданан төлөнөр», — диэн Герман бэлиэтээтэ.
Саха сирин элбэх спортсменнарын үөрэппит Алексей Агаповка дойду успуордун миниистирэ Михаил Дегтярев бирикээһинэн мас-рестлиҥҥэ Арассыыйа…
Дьокуускайга ыам ыйын 17 күнүгэр «Түмэллэргэ түүн» диэн аахсыйа ыытыллар. Быйыл аан бастакытын аахсыйа геология…
«Продолжительная и активная жизнь» саҥа национальнай бырайыак олоххо киириитин чэрчитинэн Саха сиригэр сыл саҕаланыытыттан «Гепатиты…
Социальнай ситимнэринэн Саха сирин олохтоохторо Орто Сурт бөһүөлэк аттыгар трассаҕа маҥан кырсаны бэлиэтии көрбүттэрин видеоҕа…
Саха сиригэр анал байыаннай дьайыы бэтэрээннэрэ уонна кинилэр дьиэ кэргэттэрин чилиэннэрэ мэдиссиинэ уонна психологическай бырагыраамалар…
СӨ Бырабыыталыстыбатын дьаһалыгар олоҕуран, Нам улууһугар сокуоннайа суох үлэни бохсор бөлөх тэриллибитэ. Бөлөх салайааччыта –…